Mateo 26:74 - Maung A Balita Biblia

⁷⁴ Balet nansamba lamet si Pedro a kuanto, “Nitay Dios, anggan dusaen to ak no mantitila ak. Talagan ag ko kabat itan a too!” Diad saman a bekta, kinmukaok so sakey a lalung.

Maung a Balita Biblia

⁷⁴ Balet nansamba lamet si Pedro a kuanto, Nitay Dios, anggan dusaen to ak no mantitila ak. Talagan ag ko kabat itan a too! Diad saman a bekta, kinmukaok so sakey a lalung.

Mateo 26:74 Iomraidhean Croise

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Mateo 26:34

Inmebat si Jesus, “Tandaan mo ya! Kasakbayay ikukaok na lalung ed sayan labi, mamitlon ibagam ya ag mo ak kabat.”

Mateo 26:73

Ag abayag, sinmingger ed kinen Pedro ira may lalakin manalalagey diman tan inkuanda, “Sakey kan talaga ed sikara, anto? Nabirbir la ed panagsalitam!”

Mateo 26:75

Insan anunotan nen Pedro may sinalita nen Jesus ed sikato, “Kasakbayay ikukaok na lalung, ibori mo ak a mamitlo.” Pinmaway si Pedro tan inmakis na ampaipait.

Mateo 27:25

Inmebat iray totoo, “Sikami tan saray anak mi so onebat ed ipatey to!”

Marcos 14:30

Inmebat si Jesus, “Tandaan mo ya! Kasakbayay pidwan ikukaok na lalung ed sayan labi, mamitlon ibagam ya ag mo ak kabat.”

Marcos 14:68

Balet imbori nen Pedro tan inkuanto, “Ag ko amta…ag ko natatalusan itay ibabagam!” Insan linmad puirtay solar. Diad saman a bekta kinmukaok so sakey a lalung.

Lucas 22:60

Balet inkuanen Pedro, “Ag ko amta tay ibabagam!” Kabebekta nen mansasalita ni, kinmukaok so sakey a lalung.

Juan 18:27

Imbori lamet nen Pedro, insan kinmukaok a tampol so lalung.

Saray Taga Roma 9:3

Lapud sikara, labalabay ko lay anggan nisamba na Dios tan nisian ed Cristo.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

Saray Huis 17:2

Inkuantod ina to, “Nen walay anakew na sanlibo tan sanlasus a kuartan pilak yo, insamba yo may anakew. Nadngel kon ginawa yo man a samba. Walad siak iman so kuarta. Siak so angala.” Inkuanen ina to, “Bindisionan ka komun na Katawan, anak ko!”

Saray Huis 21:18

Balet ag tayo ra nayarin pangasawaen ed saray anak tayo, lapud sinambaan tayo a nisamba so siopaman a mangyabuloy ya asawaen na Benjaminita so anak to.”