Mateo 26:58 - Maung A Balita Biblia

⁵⁸ Tinmombuk si Pedro ed kinen Jesus, balet walad bandad arawi. Tinmuloy ya anggad solar na Pangulon Pari tan inmirung diman a kaiba to ray guardia, pian naimatunan toy kasumpalan.

Maung a Balita Biblia

⁵⁸ Tinmombuk si Pedro ed kinen Jesus, balet walad bandad arawi. Tinmuloy ya anggad solar na Pangulon Pari tan inmirung diman a kaiba to ray guardia, pian naimatunan toy kasumpalan.

Mateo 26:58 Iomraidhean Croise

Mateo 26:3

Saray manonan papari tan saray mamatakken na baley nantitipon irad palasio nen Caifas, a Pangulon Pari.

Mateo 5:25

“No walay angisegep na kasod sika ed korti, miariglo ka ambegyan wala niy panaon, kasakbayan na bista. Ta no andi, ipalima to kad huis; say huis ipalima to kad polis a mangiprisod sika.

Lucas 22:54

Inerel day Jesus, insan da inyakar ed abung na Pangulon Pari. Tinmombuk si Pedro ed kinen Jesus, balet walad bandad arawi.

Juan 18:25

Akaalagey nid may Pedro a mandarangdang, kanyan tinepet da, “Ag ta sakey kad saray disipulo to man a too?” Balet namboriy Pedro. “Andi pa,” ebat to.

Juan 19:6

Kanengneng na saray manonan papari tan saray guardia, ineeyag da, “Ipasak mod krus! Ipasak mod krus!” Inkuanen Pilato ed sikara, “Ala yo sirin tan sikayo lay makaoley a mangipasak ed sikato, ta anggapoy arumog kon kasalanan to.”

Juan 7:32

Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 7:45

Pinmawil ira may guardia ed saray manonan papari tan saray Pariseo. Tinepet dad sikara, “Akin et ag yo dia inyakar?”

Saray Gawgawa 5:22

Balet nen sinmabid prisowan iray guardia, anggapo la ra may apostol. Kanyan pinmawil irad Sanidrin tan inkuanda,

Saray Gawgawa 5:26

Linmad Timplo may kapitan a kaiba to ray sondalo to, tan inawit da ra may apostol. Balet andi-pasootan so impangawit da, ta antakot ira ompan tupaken iray totoo.