Mateo 26:41 - Maung A Balita Biblia

⁴¹ Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Maung a Balita Biblia

⁴¹ Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.

Mateo 26:41 Iomraidhean Croise

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 119:117

Ampaya mo ak pa, et arawi ak ed kaatapan, tan imanoen ko lawas iray ganggan mo.

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.

Mateo 24:42

Manalwar kayo sirin, ta ag yo amtay agew na isabiy Katawan yo.

Mateo 25:13

Inkuanen Jesus a pamasamput, “Manalwar kayo sirin, ta ag yo amtay agew odino say oras.”

Mateo 26:38

tan kuantod sikara, “Agaylay ermen ko tan ngalngalik la ipatey. Dia kayo tan mipuyat kayod siak.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Marcos 14:38

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Lucas 11:4

Pirdona mo kami pad saray kasalanan mi, ta pirdonaen mi ray amin a nankakasalanan ed sikami. Tan ag mo kami iyaakar ed pakatuksoan.’”

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 22:40

Kasabi ra inkuantod sikara, “Mampikasi kayo, pian ag kayo napelag ed tukso.”

Lucas 22:46

Inkuantod sikara, “Akin et nanaogip kayo? Bangon kayo tan mampikasi kayo, pian ag kayo napelag ed tukso.”

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

1 CORINTO 9:27

Papairapen koy laman ko tan aaripenen ko, ta ompan kasumpal kon mampulong ed arum et siak so nipolisay.

TAGA GALACIA 5:24

Tan saray kayaryan nen Cristo Jesus et impasak da lad krus so inkatoo ra, pati saray maoges a liknaan tan pilalek to.

TAGA-EFESO 6:18

Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.

2 Pedro 2:9

Kanyan say Katawan amta to no panon ton ipaliis ed subsubok na bilay iray totoon matoor ed sikato tan no panon ton dusaen anggad Agew na Okum iray totoon bagel,

Puyan 16:15

“Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!”

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.