Mateo 26:24 - Maung A Balita Biblia

²⁴ Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”

Maung a Balita Biblia

²⁴ Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!

Mateo 26:24 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Mateo 18:7

Makapataktakot so kipapasen ed tapew na dalin, lapud saray bengatlan pansengegay pankasalanan da ray totoo! Anggan kapigan ag naandi ray bengatlan pansengegay pankasalanan, balet makapataktakot so nasagmak na toon panlapwan da!

Mateo 26:31

Inkuanen Jesus ed sikara, “Diad saya met lamlamang a labi, ibatikan tan taynan yo ak ya amin, ta ibabagay Masanton Sulat, ‘Pateyen na Dios so pumapastol, et nataytayak iray karniro.’

Mateo 26:54

Balet no ontan, panon a nasumpal so ibabagay Masanton Sulat ya onyay nagawa?”

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Marcos 14:21

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”

Marcos 9:12

Inmebat ed sikara, “Tua ya ononan onsabiy Elias tan pasimbaloen ton amin iray bengatla. Balet akin et ibabagay Masanton Sulat a mapalaloy kairapan na Anak na Too tan nabalaw-balaw?

Lucas 22:22

Ompatey so Anak na Too, onung ed linaway Dios. Balet makapataktakot so nasagmak na toon mantraidor ed sikato!”

Lucas 24:46

Inkuantod sikara, “Onyay nisulat: nakaukolan a manirap so Cristo tan onolid bilay ed kumatlon agew,

Juan 17:12

Nen kaibak ira inasikasok irad panamegley na pakayari na ngaran mon inter mod siak. Inasikasok ira, et anggapoy abalang ed sikara likud ed toon talagan nabalang, pian nasumpal so ibabagay Masanton Sulat.

Juan 19:24

Nantotongtong ira may sondalo. Inkuanda, “Ag tayo ya pilaten. Pampapalaranan tayo, pian nanengneng no siopay makala.” Agawa ya pian nasumpal so ibabagay Masanton Sulat: “Nanaapagan da ray kawes ko, tan nampapalaranan day tunikak.” Kanyan onyay ginawa da ray sondalo.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

1 CORINTO 15:3

Ta inter kod sikayo so manonan bangat ya inawat ko met, salanti, inatey si Cristo lapud saray kasalanan tayo, onung ed Masanton Sulat;