Mateo 26:10 - Maung A Balita Biblia

¹⁰ Amta nen Jesus so ibabaga ra, kanyan inkuanto, “Akin et balbalawen yo yan bii? Maabig tan marakep yan ginawa tod siak.

Maung a Balita Biblia

¹⁰ Amta nen Jesus so ibabaga ra, kanyan inkuanto, Akin et balbalawen yo yan bii? Maabig tan marakep yan ginawa tod siak.

Mateo 26:10 Iomraidhean Croise

Nehemias 2:18

Insan ko imbagad sikara no panoy inkiwala na Dios ed siak tan no panoy impanulong tod siak, tan no anto ray imbaga na impirador ed siak. Inmebat ira, “Igapo ti la sirin so pangipaalagey tayo lamet!” Kanyan namparaan iran mangigapo na kimey.

Say Libro nen Job 13:7

Akin et mantitila kayo? Abaloan yon say panitila yo et natulongan toy Dios?

Mateo 26:11

Ta kaiba yo lawas iray mairap-bilay balet ag yo ak lawas kaiba.

Mateo 26:9

Inlako la komuy mabli, insan inter ed saray mairap-bilay so nanlakoan!”

Marcos 14:6

Balet inkuanen Jesus, “Paolyan yon bukor! Akin et balbalawen yo? Maabig tan marakep yan ginawa tod siak.

Lucas 8:49

Nen peles nen Jesus a mansasalita, sinmabiy sakey a lakin nanlapud abung to may inkargadoy sinagoga. “Inatey lay anak mo,” kuantod kinen Jairo, “akin et aabalaen mo niy Maistro?”

2 CORINTO 9:8

Say Dios nayarian to kayon itday masolusoluk nen say nakaukolan yo, pian wala lawas so onkanad sikayo tan wala niy nayarian yon iter ya onkanad amin a maung a pamaakaran.

TAGA GALACIA 1:7

Diad tuay tua, anggapoy arum a “maung a balita,” balet wala ray manggogolo ed sikayo tan labay dan omanen so Maung a Balitan nipaakar ed Cristo.

TAGA GALACIA 5:12

Ag labat komun pasegat ira tay manggugunigon ed sikayo, no ag ta pakapun la ra laingen.

TAGA GALACIA 6:17

Kanyan manlapud natan, ag la komun aruman na anggan siopa so kairapan ko, ta saray piglat na laman ko so mangipapaamta ya aripen ak nen Jesus.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

2 TESALONICA 2:17

et pabiskegen to komuy linawa yo tan pasekderen to kayon manggawa tan mansalita na amin a kamaungan.

1 Timoteo 3:1

Tua yan salita: No say sakey a too et labay toy magmaliw a panguloy iglisia, marakep yan pampipilalekan ton kimey.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

2 Timoteo 2:21

Siopamay onaarawid kaogsan nikana para nidoma-doma ran getma, ta sikatoy nigana tan makana-kanad Katawan. Sikatoy sipaparaan a nikanad amin a maung iran gawgawa.

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Tito 3:1

Ipanunot mod saray totoom a paoleyan irad saray manoley tan saray walay betang, onuren da ra, tan sipaparaan iran manggaway kamaungan.

Tito 3:14

Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.