Mateo 25:36 - Maung A Balita Biblia

³⁶ Nen anggapoy nisulong ko initdan yo ak na kawes, nen mansasakit ak inasikaso yo ak, tan nen wala ak ed prisowan binisita yo ak.’

Maung a Balita Biblia

³⁶ Nen anggapoy nisulong ko initdan yo ak na kawes, nen mansasakit ak inasikaso yo ak, tan nen wala ak ed prisowan binisita yo ak.

Mateo 25:36 Iomraidhean Croise

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Ezekiel 18:16

odino papairapen iray arum a totoo odino tatakewan so siopaman. Ipapawil toy impotika na akautang ed sikato. Iitdan toy nakan iray narasan tan kawes iray anggapoy nipales.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Ezekiel 34:4

Ag yo inasikaso iray makapoy, ag yo tinambal iray mansasakit, ag yo binerber so sugat da ray asugat, ag yo pinapawil iray akar-akar, odino inanap iray abalang. Pinapairap yo ra lalaingen.

Mateo 25:37

Onebat ed satan ira may matonung a totoo, ‘Katawan, kapigay impakanengneng mid sikan narasan et pinakan mi ka, o napgaan et pinainom mi ka?

Mateo 25:43

Sakey ak a sangkaili et ag yo ak pinatuloy ed abung yo. Anggapoy nisulong ko et ag yo ak initday kawes. Nansakit tan apriso ak et ag yo ak binisita.’

Lucas 3:11

Inmebat, “Say duaray kawes to nepeg ton iter so sakey ed anggapoy kawes to. Ontan met a say walay kanen to nepeg toy mangiter.”

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.