Mateo 25:1 - Maung A Balita Biblia

¹ “Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Maung a Balita Biblia

¹ Diad satan ya agew, say Panariay tawen aliling toy samploran mamarikit ya angala ray sansasakey a lamparaan, tan pinmaway iran mangabet ed nubio.

Mateo 25:1 Iomraidhean Croise

Saray Salmo 45:14

Marakerakep so kawes to nen niyaakar ed ari, tan manomtombok iray mamarikit a mangoolup ed sikato, a niyaakar met ira ed ari.

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

Kanta nen Solomon 5:8

Isipan yod siak, O bibiid Jerusalem, no narumog yo may inarok, ibaga yod sikato a makapoy ak lapud panangaro.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Mateo 13:24

Wala niy alimbawan imbaga nen Jesus ed sikara: “Say Panariay tawen alimbawa toy sakey a lakin nampasek na maung iran bokel ed dalin to.

Mateo 13:31

Sinalita nen Jesus so sananey nin alimbawa: “Say Panariay tawen aliling toy bokel na mustasa a sakey ed saray sankamelagan a bokel. No itanem na sakey a tood dalin to, ombaleg tan magmaliw a sankabalgan ed amin da ray tantanaman. Magmaliw nin kiew tan nayarin panobungay manok iray sangasanga to.”

Mateo 13:38

samay alog a nampasekan to, say mundo; saramay maung a bokel, saray totoon nepeg day walad Panarian; saramay dika, saray totoon nepeg day walad Panarian to may Maoges;

Mateo 13:47

“Say Panariay tawen aliling to met so baleg ya iket ya impelag ed dayat tan akala na amin a klasiy sira.

Mateo 20:1

“Say Panariay tawen singa sakey a toon walay kaubasan to. Pinmaway na kabkabwasan a mananap na mankimey.

Mateo 22:2

“Say Panariay tawen alimbawa toy sakey ya arin angiparaay ponsia, ta mankasal so anak to.

Mateo 25:7

Binmangon a tampol ira may samploran mamarikit tan imparaan da ray lamparaan da.

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Mateo 9:15

Inmebat si Jesus, “Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

Juan 18:3

Kanyan linmad may Judas ed tanamanan a kaiba to ray sondalo tan pigaran guardiay Timplo ya imbaki na saray manonan papari tan saray Pariseo. Akaarmas ira tan wala ray awit dan parol tan nipetan a silew.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Saray Gawgawa 20:8

Amayamay dimay silew ed kuartod tagey a nantitiponan mi.

1 CORINTO 11:2

Idadayew ta kayo, ta nununoten yo ak lawas tan oonuren yo ray bangabangat kod sikayo.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

Puyan 19:7

Nepeg tayoy manliket tan manggayaga; iter tayoy galang ed sikato! Ta asingger lan mankasal so Kordiro. Say nobia imparaan to lay sikaton dili;

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Puyan 21:9

Inmasingger ed siak so sakey ed saramay pitoran anghil a sankaawit da ray pitoran yaung a napnoy pitoran kaonuran a salot. Inkuantod siak, “Gala dia, ta ipanengneng kod sikay Nobia, say asawa na Kordiro.”

Puyan 4:5

Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.

Puyan 8:10

Nen sinibuk na kumatlon anghil so trumpita to, naplag a nanlapud tawen so baleg a bitewen a singa manliub a silew, tan dinmapod kakatlo na amin da ray ilog tan saray sobul.