Mateo 24:9 - Maung A Balita Biblia

⁹ “Erelen da kayon pairapen, insan da kayo ni pateyen. Bosulen kayoy amin a totoo lapud siak.

Maung a Balita Biblia

⁹ Erelen da kayon pairapen, insan da kayo ni pateyen. Bosulen kayoy amin a totoo lapud siak.

Mateo 24:9 Iomraidhean Croise

Probirbio 29:27

Say toon matonung kabosul toy toon maoges, tan say toon maoges kabosul toy toon matonung.

Daniel 11:33

Saray makabat a pangulo na saray totoo et inagnag dad arum a totoo so kakabatan da. Balet ag mabayag napatey ed bakal iray arum ed sikara odino poolan da ran mabilay, tan saray arum et nasamsam iray kayaryan da tan nadakep ira.

Mateo 22:6

Saray arum sinisingkat da ni ra may aripen, pinapabaingan da ra, insan da ni ra pinapatey.

Mateo 23:34

Kanyan kuankod sikayo: mangibaki ak ed sikayo na saray propita, saray makakabat a totoo, saray bumabangat. Balet pateyen yoy pigarad sikara, tan ipasak yod krus iray arum. Sipsiplatan yo ray arum ed saray sinagoga yo, tan osil-osilan yo rad binaley-baley.

Lucas 11:49

Sikato yay makasengeg ya inkuay Kakabatan na Dios, ‘Mangibaki ak ed sikara na saray propita tan apostol. Pateyen na totooy pigarad sikara, tan pairapen da ray arum.’

Lucas 21:12

Balet kasakbayan a nagawa ra yan amin, erelen da kayo, insan da kayo pairapen. Iyakar da kayod saray sinagoga tan saray prisowan. Iyarap da ki met ed saray arari tan saray gobirnador, lapud siak.

Juan 15:18

“No bosulen kayoy sankamundoan, nepeg yon nunoten a binosul ta ak ya inmona.

Juan 15:21

Balet gawaen da yan amin ed sikayo lapud siak, ta ag da kabat so angibakid siak.

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Saray Gawgawa 28:22

Anggaman ontan, labay mi kan narengel, ta kabat min anggan iner a pasen, sumpad sayan sikta so sasalitaen na saray totoo.”

Saray Gawgawa 7:59

Leleg dan tutupaken si Esteban, tinmawag ed Katawan tan inkuanto, “Jesus a Katawan, awat moy Ispirituk.”

1 Pedro 4:16

Balet no manirap kayo lapud sakey kin Cristiano, ag yo nepeg ya ibaing; igalang yo ingen so Dios diad ngaran nen Cristo.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.