Mateo 24:49 - Maung A Balita Biblia

⁴⁹ Gapoan tod satan a lewet-leweten iray kapara ton aripen; mikan tan miinoman ed saray buanges.

Maung a Balita Biblia

⁴⁹ Gapoan tod satan a lewet-leweten iray kapara ton aripen; mikan tan miinoman ed saray buanges.

Mateo 24:49 Iomraidhean Croise

Probirbio 23:20

Arawian moy olupan da ray buanges odino saray masisiba.

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Ezekiel 34:3

Iinomen yoy gatas, isosolung yo ray lanan abel, papatasen tan kakanen yo ray sankaabigan a karniro. Balet ag yon balut ipapastol iray karniro.

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Mateo 18:28

“Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. ‘Bayaran mo lay utang mod siak!’ inkuanto.

Mateo 24:48

Balet no maoges yan aripen ikuantod sikaton dili, ‘Mabayag nin onsabiy amok!’

Mateo 24:50

Insan onsempet so amo to ed agew ya ag to iilaloan tan diad oras ya ag to amta.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Juan 2:10

tan kuantod sikato, “Balang sakey ipainom ton onona so maung a klasiy alak, insan no akainom lan maung iray bisita, itombuk toy makapoy a klasi. Balet, sika, inyonur moy maung a klasiy alak.”

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

2 CORINTO 11:20

Aanosan yo ray mangaariped sikayo, o saray manasaol, o saray mamapatit, o saray mamapaabeba, o saray manatampal ed sikayo.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.

Judas 1:12

Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

Puyan 13:7

Naabuloyan met a labanan tan taloen to ray totoo na Dios, tan naabuloyan met ya oleyan toy amin a tribu, too, salita, tan bansa.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

1 Samuel 2:29

Akin, sirin et aagoman yo ray bagat tan saray saklang ko ya ingganggan ko ran gawaen na totook? Akin et papablien mo ni ray lalakin anak mo nen say siak? Akin et aabuloyan mo ran mampatabad sikaran dili diad pangakan dad saray sankaabigan a parti na amin a bagat ya isasaklang ed siak na saray totook?