Mateo 24:47 - Maung A Balita Biblia

⁴⁷ Samay amo, kuankod sikayo, pagmaliwen to may aripen a manasikasoy amin a kayamanan to.

Maung a Balita Biblia

⁴⁷ Samay amo, kuankod sikayo, pagmaliwen to may aripen a manasikasoy amin a kayamanan to.

Mateo 24:47 Iomraidhean Croise

Probirbio 14:35

Pakaliliketan na saray arari iray marunong ya opisyal da, balet dudusaen da ray totoon ag manusumpal na kanepegan da.

Daniel 12:3

Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Mateo 24:46

Maliket yan aripen no nasabian na amo ton gagawaen toy kimey to!

Mateo 24:48

Balet no maoges yan aripen ikuantod sikaton dili, ‘Mabayag nin onsabiy amok!’

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 25:23

Inkuanto may amo ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Lucas 12:37

Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.

Lucas 12:44

Samay amo, kuankod sikayo, pagmaliwen to may aripen a manasikasoy amin a kayamanan to.

Lucas 19:17

Inkuanto may amo, ‘Maabig so ginawam, maung a katulong! Lapud napampiaan kad melag iran bengatla, panoleyen ta kad samploran baley.’

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

1 Pedro 5:4

Et no onsabiy Pangulon Pastol, awaten yoy koronan ag onkupas so kagalangan to.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.