Mateo 24:31 - Maung A Balita Biblia

³¹ Ontanul so baleg a trumpita, tan ibaki tod apatiran suyok na mundo ray anghil to tan, manlapud amin a pasey mundo, tiponen da ray totoon piniliy Dios.”

Maung a Balita Biblia

³¹ Ontanul so baleg a trumpita, tan ibaki tod apatiran suyok na mundo ray anghil to tan, manlapud amin a pasey mundo, tiponen da ray totoon piniliy Dios.

Mateo 24:31 Iomraidhean Croise

Saray Salmo 22:27

Amin da ray bansa et nanunotan day Katawan. Manlapud amin a sokung na mundo onlingaw irad sikato; igalang na amin a katoowan.

Saray Salmo 67:7

Binindisionan itayoy Dios; igalang komun na katoowan ed amin a pasen.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 49:18

Nengneng kad liber-liber ta imanom no antoy nagagawa! Mantitipon iray totoom—onsesempet la ra! No panon ya anggapoy duaruwa a siak so mabilay a Dios, ontan met a nikinon mo ray totoom; nikinon mo ran singa pangikinon na nubia ed saray alahas to.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Daniel 7:2

nipaakar ed anengneng ko ed saman a labi: Onsisiplug ed tapew na dayat so dagem a manlalapud amin a dapag.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Zacarias 2:6

Say Katawan kuantod saray totoo to, “Inkaykayat ta kayo ed amin a pasen. Balet natan, sikayon nibantak ed arum a bansa et ibatikan yoy Babilonia tan pawil kayo lad Jerusalem.

Zacarias 6:5

Inmebat, “Sikara yay apatiran dagem; kapkapanlapu rad arap na Katawan na intiron dalin.”

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 24:32

“Aral yoy bangat a manlapud kiew ya igos. No onkolaney tan mambolung la ray sanga-sanga to, amta yon asingger lay tiagew.

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Marcos 13:27

Ibaki tod apatiran suyok na mundo ray anghil to tan, manlapud amin a pasey mundo, tiponen da iray totoon piniliy Dios.”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Juan 11:52

Aliwa labat a para saray Judio, no ag ingen pian pankakasakeyen to ray akaykayat ya anak na Dios.)

Saray Taga Roma 10:18

Balet tepeten ko pa: Ag da kasi nadngel so Maung a Balita? Nadngel da, ta ibabagay Masanton Sulat: “Nadngel anggad iner a sokung na mundo so bosis da ray managpulong, tan kinmayat iray salita ya anggad saray samput na mundo.”

1 CORINTO 15:52

diad sakey a bekta, diad kakirem labat, no ontanul lay kaonuran a trumpita. Katanul na trumpita, saray inaatey paolien irad bilay tan ag la ra ompatey. Naoman itayon amin,

TAGA-EFESO 1:10

Sayan planoy Dios a sumpalen to no onsabi lay manepeg a panaon et say pangipasakey tod Cristo na amin iray pinalsan walad tawen tan dalin.

Deuteronomio 30:4

Anggaman a nikayat kayod sankaarawian a sokung na mundo, tiponen kayo na Katawan a Dios yo insan to kayo papawilen,

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

1 TESALONICA 4:16

Diad satan ya agew, say dilin Katawan onakseb a manlapud tawen a kabansag toy sakey a nieyag a ganggan, bosis na arkanghil, tan say tanul na trumpitay Dios. Saray inaatey a mananisiad Cristo onona ran onolid bilay.

2 TESALONICA 2:1

Nipaakar met ed isabiy Katawan tayon Jesu-Cristo tan say pitipon tayod sikato: kekerewen mid sikayo, agagi,

Saray Hebreo 12:19

tanul na trumpita, tan sakey a bosis a mansasalita. Nen nadngel na saray totoo may bosis, kinerew dan ag la ra komun makadngel na arum nin salita,

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 7:1

Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.

Puyan 8:2

Insan anengneng ko ra may pitoran anghil a manalalagey ed arap na Dios, tan naitday balang sakey ed sikara na trumpita.