Mateo 24:3 - Maung A Balita Biblia

³ Nen manyodyorung si Jesus ed Palandey na Kaolibaan, linman maamut ed sikato ray disipulo. Tinepet da, “Kapigan so pakagawa da ra ya, tan antoy pakapatnagan ya asingger lay isabim tan say anggaay panaon?”

Maung a Balita Biblia

³ Nen manyodyorung si Jesus ed Palandey na Kaolibaan, linman maamut ed sikato ray disipulo. Tinepet da, Kapigan so pakagawa da ra ya, tan antoy pakapatnagan ya asingger lay isabim tan say anggaay panaon?

Mateo 24:3 Iomraidhean Croise

Mateo 13:36

Tinaynan nen Jesus iray totoo tan linmoob ed abung. Inmasingger iray disipulo tod sikato tan kuanda, “Ipaliwawam pad sikamiy kabaliksan to may alimbawan nipaakar ed dikad alog.”

Mateo 13:49

Onya met so nagawa diad anggaan na mundo: ompaway iray anghil tan ibiig da ray maoges ed saray maung a totoo.

Mateo 15:12

Linma ray disipulo ed sikato tan kuanda, “Amtam ya apasakitan mo ray Pariseo lapud samay imbagam?”

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Mateo 16:28

Tandaan yo ya! Wala ra diad sikayoy ag ompatey ya anggad ag da nanengneng so Anak na Too ya onsabin sakey ya Ari.”

Mateo 17:19

Linma ray disipulod kinen Jesus tan tinepet dad sikato nen anggapoy arum a makadngel, “Akin et ag mi napaekal imay dimonyo ed samay ogaw?”

Mateo 21:1

Manasingger la rad Jerusalem. Kasabi rad Betfage, diad Palandey na Kaolibaan, pinaona nen Jesus iray duaran disipulo to

Mateo 24:27

Ta say Anak na Too onsabi a singa kirmat ya onggulis ed tawen manlapud bokig ya anggad sagur.

Mateo 24:30

Insan onletaw ed tawen so tanday Anak na Too. Onakis ya amin iray totood intiron mundo, tan nanengneng day Anak na Too a walad lorem tan onsasabin walay baleg a pakayari tan kagalangan.

Mateo 24:37

Ta say isabiy Anak na Too, singa samay inkagawa nen panaon nen Noe.

Mateo 24:39

Balet ag da amtay nagagawa anggad sinmabiy delap tan nalner iran amin. Onya met so nagawa diad isabiy Anak na Too.

Mateo 24:43

Tandaan yo ya! No amta komun na makanabung so isabiy matakew, ag onogip pian ag makaloob so matakew ed abung to.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Lucas 21:7

“Maistro,” tinepet da, “kapigan nagawa ya? Tan antoy pakapatnagan ya asingger lan nagawa?”

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.