Mateo 24:17 - Maung A Balita Biblia

¹⁷ Say toon walad toktok na abung nakaukolan ya ag la manabalan onlasur a mangalad dalem na abung na saray kagawaan to.

Maung a Balita Biblia

¹⁷ Say toon walad toktok na abung nakaukolan ya ag la manabalan onlasur a mangalad dalem na abung na saray kagawaan to.

Mateo 24:17 Iomraidhean Croise

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Mateo 24:16

No onya lay nagawa, nakaukolan ya ombatik ed kapalandeyan iray taga Judea.

Mateo 24:18

Say walad alog nakaukolan ya ag la onsempet a mangalay kawes to.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Lucas 12:3

Antokamay imbaga yod ambilonget, narengel ed maliwawa; tan antokamay inyesaes yod saray totoon walad akakaput a kuarto, nibando manlapud toktok na kaabungan.”

Lucas 5:19

Balet anggapoy nadalan da, lapud karakel na totoo. Kanyan kinmalab irad atep na abung tan binongaw da, insan da inyabebad arap nen Jesus, diad pegley na totoo imay paralitikon walad dokulan.

Saray Gawgawa 10:9

Kaimbuas, nen asingger lad Jope ra may imbaki nen Cornelio, si Pedro et linmad toktok na abung a mampikasi nen ngalngali la alas dosid kaagewan.

Deuteronomio 22:8

“No mamaalagey kayoy balon abung, kargaan yon kargaan na barandilyas iray gilig na atep to. Diad satan anggapo lay kasalanan yo no walay napelag tan ompatey.

1 Samuel 9:25

Nen linmeksab iran onlad baley manlapud samay pasen a panangigalangan imbilkagan dad toktok na abung si Saul,