Mateo 24:15 - Maung A Balita Biblia

¹⁵ “Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Maung a Balita Biblia

¹⁵ Onung na imbaga nen propita Daniel, nanengneng yoy Makapataktakot a Managderal ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Mateo 24:15 Iomraidhean Croise

Jeremias 44:29

Siak, say Katawan, iter kod sikayo yan tanda a dusaen ta kayo ed sayan pasen, tan ontua so sipan kon paneral ed sikayo.

Ezekiel 40:4

Inkuantod siak, “Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.”

Daniel 1:6

Akabilang ira dia di Daniel, Ananias, Misael, tan Azarias; kabyangan iran apat na tribu nen Juda.

Daniel 11:31

Pagmaliwen na arum a sondalo to a marotak, onung ed ganggan, so Timplo. Patondaen day inagew-agew a bagat tan ilira da so Makapataktakot a Managderal.

Daniel 12:11

“Manlapud samay panaon ya apatonda so inagew-agew a panagbagat, salantiy manlapud samay panaon na Makapataktakot a Managderal, sanlibo, duan lasus tan siamaplon agew so onlabas.

Daniel 9:23

Nen ginapwan moy mampikasi ed Dios, inebatan to ka la. Inaro to ka, kanyan linma ak dian mangibagad sika na ebat. Dengel kan maung sirin, legan kon ipapaliwawa so kabaliksan na samay pasingayew.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Mateo 24:16

No onya lay nagawa, nakaukolan ya ombatik ed kapalandeyan iray taga Judea.

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Juan 11:48

No palpaolyan tayo, manisia lan amin iray totoo ed sikato tan kabekta, onla ra diay taga Roma a maneral na Timplo tan say baley tayo!”

Saray Gawgawa 21:28

“Kabaleyan,” ineyag da, “tulongan yo kami! Sikato ya may toon nambabangat ed inerman a laen to na sumpad bansay Israel, sumpad Ganggan nen Moises tan sayan Timplo. Angitagar ni na saray Grigo diad dalem na Timplo, kanyan minurmura to yan masanton pasen!”

Saray Gawgawa 6:13

Imparontal day pigaran tasi a mantilan nipaakar ed sikato. “Sayan too,” inkuanda, “et ag ontotondan mansalitay maoges sumpad masanton Timplo tayo tan say Ganggan nen Moises.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Puyan 1:3

Maliket so toon mambabasad sayan libro. Maliket met iray ondedengel ed saray ibabaga to yan propisiya tan manusumpal ed saray nisulat ed sayan libro! Ta asingger lay panaon na pakagawad sarayan amin.

Puyan 3:22

“Sikayo ran walay layag, dengel yoy ibabagay Ispiritu ed saray iglisia!”