Mateo 23:8 - Maung A Balita Biblia

⁸ Sikayo, balet, ag kayo patatawag na ‘Maistro,’ ta saksakey so Maistro yo tan sanaagi kayon amin.

Maung a Balita Biblia

⁸ Sikayo, balet, ag kayo patatawag na Maistro, ta saksakey so Maistro yo tan sanaagi kayon amin.

Mateo 23:8 Iomraidhean Croise

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Mateo 23:10

Ag kayo met patatawag na ‘Pangulo,’ ta saksakey so Pangulo yo a si Cristo.

Mateo 23:7

Labalabay day paigalang ed publiko tan patawag na ‘Maistro.’

Mateo 26:25

Si Judas, a sikatoy traidor, tinepet to, “Maistro, siak kasi?” Inmebat si Jesus, “Sika lan dili so mangibabaga.”

Mateo 26:49

Kasabi nen Judas, dinago ton tampol si Jesus tan inkuanto, “Say kareenay walad sika komun, Maistro,” insan to inanguban.

Marcos 10:51

Tinepet nen Jesus ed sikato, “Antoy labay mon gawaen kon para sika?” Inmebat imay bulag, “Maistro, labay koy makanengneng.”

Marcos 11:21

Anunotan nen Pedro may agawa tan inkuanto, “Katawan, nengneng mo, inatey imay igos ya insambam!”

Marcos 14:45

Kasabi nen Judas, dinago ton tampol si Jesus tan inkuanto, “Maistro!” insan to inanguban.

Marcos 9:5

Inkuanen Pedro ed kinen Jesus, “Maistro, maung a wadya itayo. Manggawa tayoy taloran ayaman: sakey so para sika, sakey so para si Moises, tan sakey so para si Elias.”

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”

Juan 1:38

Nen linmingaw si Jesus, anengneng to ran ontotombuk kanyan tinepet tod sikara, “Antoy anapen yo?” Inmebat ira, “Iner so panaayaman mo, Rabi?” (“Maistro” so kabaliksan na Rabi.)

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Juan 11:8

“Maistro,” inebat na saray disipulo, “agano ni may panupak dad sika lawarid man. Akin et labay mo lamet so onlad man?”

Juan 20:16

Inkuanen Jesus ed sikato, “Maria!” Inarap to tan kuantod salitay Hebreo, “Raboni!” (“Maistro” so labay ton ibaga ya.)

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 3:26

Kanyan linma rad kinen Juan tan kuanda, “Maistro, samay toon tinasian mo tan kaibam ed biek na Jordan et mamibinyag met la tan daragoen na amin a totoo.”

Juan 4:31

Legay intaynan to may bii, kekerewen na saray disipulo a mangan si Jesus. Inkuanda, “Rabi, mangan ka la!”

Juan 6:25

Nen arumog day Jesus ed biek na dayat, tinepet dad sikato, “Maistro, kapigay insabim dia?”

Juan 9:2

Tinepet da ray disipulo to, “Maistro, siopay nankasalanan ed inkianak ton bulag yan too, sikato odino saray atateng to?”

2 CORINTO 1:24

Aliwan lapud ooleyan miy pananisia yo, ta malet ki lad pananisia yo, no ag ingen labay mi kayon tulongan, pian manliket kayod kabibilay yo.

2 CORINTO 4:5

Ipupulong mi a Katawan si Jesu-Cristo; ag mi ipupulong so laman min dili. Aripen yo kami lapud kinen Jesus.

TAGA-EFESO 3:15

a panlalapway ngaran na balang pamilyan walad tawen tan dalin.

Filemon 1:16

Aliwan sakey ya aripen labat natan, no ag ingen sakey lan inararo ya agid Cristo. No panoy panangarok ed sikato, lalon inararom, ta sikatoy aripen mo tan agim ed Katawan!

Santiago 3:1

Agagik, ag nepeg a magmaliw a bumabangat iray karaklan ed sikayo, bangta amta yon sikami ran bumabangat et mapeget so panintinsiad sikami nen saray arum.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Puyan 22:9

Balet inkuanto, “Aleg! Sakey ak met ya aripen a singa sika, saray agagim a propita, tan saray manusumpal ed saray salitan wadyad sayan libro. Say Dios so igalang mo!”