Mateo 23:19 - Maung A Balita Biblia

¹⁹ Agaylay inkabulag yo! Antoy manona, say imbagat o say altar a mamapasantod imbagat?

Maung a Balita Biblia

¹⁹ Agaylay inkabulag yo! Antoy manona, say imbagat o say altar a mamapasantod imbagat?

Mateo 23:19 Iomraidhean Croise

Exodo 29:37

Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Exodo 30:29

Onyay pangisaklang mod saraya, et magmaliw iran sigput a masanto, tan siopaman odino antokaman a makadiwit ed saraya napasakitan lapud pakayari na inkasanto ra.

Aggeo 2:12

No bilang ta walay toon sankaawit tod saloy na kawes to so sankategteg a pinasanton karni, insan nisapigar to may kawes to ed tinapay, odino antokaman a niloton kakanen, odino alak, odino larak na oliba, odino antokaman a tagano, magmaliw met man kasin masanton kakanen?” Nen nitepet ya, saray papari inmebat ira, “Andi.”

Mateo 23:17

Bubulag, anggapoy kalakal a totoo! Antoy lalon manona, say balituk o say Timplo a mamapasantod balituk?

Mateo 23:18

Ibabangat yo ni, ‘No say altar so pansambaay sakey a too, ag nakaukolan a sumpalen to. Balet no say bagat ed altar so pansambaan to, nakaukolan a sumpalen to.’

Mateo 23:20

No ontan sirin, no say altar so pansambaan na sakey a too, say altar so talagan pansambaan to tan amin a wadman ed tapew na altar.