Mateo 22:24 - Maung A Balita Biblia

²⁴ “Maistro,” inkuanda, “imbangat nen Moises a no inatey so sakey a lakin anggapoy ilalak, nakaukolan ya asawaen na agi to may abalo, pian mananak ira para samay inatey.

Maung a Balita Biblia

²⁴ Maistro, inkuanda, imbangat nen Moises a no inatey so sakey a lakin anggapoy ilalak, nakaukolan ya asawaen na agi to may abalo, pian mananak ira para samay inatey.

Mateo 22:24 Iomraidhean Croise

Genesis 38:11

Insan inkuanen Juda ed kinen manugang to, “Sempet ka nid abung nen amam tan ag ka ni miaasawa ya anggad ibaleg nen anak kon Sela.” Inkuanto ya lapud antakot, ta ompan napatey met si Sela, a singa agawad saramay duaran agi to. Sinmempe la sirin si Tamar.

Genesis 38:8

Inkuanen Juda ed kinen Onan ya agi nen Er, “Laka, ta akdulan moy balo ya ayrom. Gawam so kanepegan mon agi na asawa to, pian nawalaan na anak so agim.”

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Mateo 22:25

Natan, wala ray pitoran lalakin sanaagi a nanayam diad lugar mi nen saman. Angasawa may pangulowan, balet inatey ya anggapoy ilalak. Kanyan inasaway kumadwan agi to may balo nen kuya to.

Mateo 22:36

“Maistro,” inkuanto, “diad Ganggan dinay manona?”

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Marcos 12:19

“Maistro, insulat nen Moises yan ganggan para sikami: ‘No inatey so sakey a lakin anggapoy ilalak, nakaukolan ya asawaen na agi to may balo pian mananak ira para samay inatey.’

Lucas 20:28

“Maistro, insulat nen Moises yan ganggan para sikami: ‘No inatey so sakey a lakin anggapoy ilalak, nakaukolan ya asawaen na agi to may abalo, pian mananak ira para samay inatey.’

Lucas 20:33

Natan, diad iyolid bilay na saray inaatey, siopay makanasawa ed samay bii, anta amin da ra may pitoran sanaagi et nambabalesan dan inasawa?”

Lucas 6:46

“Akin et tatawagen yo ak na ‘Katawan, Katawan!’ et ag yo lamlamang totombukey ibabagak?

Ruth 1:11

Balet inkuanen Noemi, “Nakaukolan ya ompawil ki la, anak ko. Akin et labay yoy milad siak? Makapananak ak ta niy lalakin mangasawad sikayo?

Ruth 3:13

Dia ka nin anggad kabwasan, tan kaimbuas nengnengen ta no gawaen toy kanepegan ton manayakup ed sikan kanayon to. No gawaen to, maung; balet no andi, isipan kod mabilay a Katawan, a gawaen koy kanepegan. Dokul ka sirin tan dia kan anggad kabwasan.”

Ruth 4:5

Inkuanen Booz, “Natan sirin, no saliwen moy alog nen Noemi, nepeg ya asawaen moy Ruth, say balon Moabita, tan nepeg a walay anak yo, pian say alog et mansiansian kayaryan na pamilya na samay andi lad bilay.”