Mateo 22:12 - Maung A Balita Biblia

¹² Tinepet nen arid sikato, ‘Kaaro, akin et linma ka dian ag akakawes na pibabansal?’ Balet ag akasel imay laki.

Maung a Balita Biblia

¹² Tinepet nen arid sikato, Kaaro, akin et linma ka dian ag akakawes na pibabansal? Balet ag akasel imay laki.

Mateo 22:12 Iomraidhean Croise

Say Libro nen Job 5:16

Iitdan toy ilalo iray mairap-bilay, tan ag to paeeselen iray totoon maoges.

Saray Salmo 107:42

Saray matonung nanenengneng da ya et magayaga ra, balet ag makaskasel ya amin iray totoon maoges.

Jeremias 2:23

Panoy pangibagam ya ag mo dinotakay sikan dili, ya ag mon balut inggalang si Baal? Nengneng mo no panoy impankasalanan mo nen wala kad patar; nengneng mo no antoy ginawam. Singa ka kamilyod katakelan a manmamaya, kanyan mambabatik-batik,

Jeremias 2:26

Say Katawan kuanto, “No panoy pakapelag ed kababaingan na matakew no narel, ontan met so pakapelag yod kababaingan, sikayon totood Israel—saray arari tan opisyal yo, saray papari tan propita yo.

Mateo 20:13

Inkuantod sakey ed sikara, ‘Kaaro, ag ta ka sasaolen. Ag ka ta akapipaknaan ed siak ya upaan ta kay sakey a dinario?

Mateo 26:50

Inkuanen Jesus ed sikato, “Kaaro, gawam lay inakaran mo dia!” Sinmingger ira may totoo, siningkat day Jesus, insan da binembenay malet.

Mateo 5:20

Ipurek kod sikayo: no say panumpal yoy linaway Dios et ag ontalona ed panusumpal da ray iskriba tan saray Pariseo, ag kayon balut makaloob ed Panariay tawen.”

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Tito 3:11

Amtam lad satan a maoges itan a too, tan saray kasalanan to so mangipanengneng ya aliway gagawaen to.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.