Mateo 21:5 - Maung A Balita Biblia

⁵ “Ibaga yod siudad na Sion, Onsasabid sikay arim. Mapaabeba tan akakabayod asno, akakabayod kilaw na asno.”

Maung a Balita Biblia

⁵ Ibaga yod siudad na Sion, Onsasabid sikay arim. Mapaabeba tan akakabayod asno, akakabayod kilaw na asno.

Mateo 21:5 Iomraidhean Croise

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

2 Samuel 16:2

Tinepet nen Ari David, “Antoy gawaen mod saratan ya amin?” Inmebat si Siba, “Saray asno luganan na pamilyay ari, saray tinapay tan saray prutas kanen na saray totoo, tan say alak inomen da no naksawan la rad kalawakan.”

1 Saray Arari 1:33

tan kuan na arid sikara, “Itagar yo ray opisyal ko, pakabayo yod dilin mulak si Solomon, tan olup yon onlad Gihon.

1 Saray Arari 10:26

Si Solomon nantipon na sanlibo tan apat a lasus a karwahi tan labinduan libo a kabayon para bakal. Impanayam tod Jerusalem iray pigara ed saraya, tan impanayam tod nandoroman siudad iray arum.

Saray Salmo 9:14

pian nayarian koy ontalindeg ed arap da ray totood Jerusalem, tan nibawag kod sikaray makasengeg na pangidadayew kod sika. Manliket ak ta inlaban mo ak.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 40:9

Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 62:11

A say Katawan ibabawag tod intiron mundo: “Ibaga yod saray totood Jerusalem A say Katawan onsasabin mangilaban ed sikayo, Kaiba to ray totoon inyagel to.”

Ezekiel 34:24

Siak a Katawan so magmaliw a Dios da, tan say manoley ed sikara et sakey ya arin singa si aripen kon David. Siak a Katawan so nansalita.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Saray Bilang 24:19

Gatin-gatinan ira na bansa ya Israel Tan deralen to ray akapaliis ed patey.”

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Mateo 2:2

Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Mateo 21:6

Inmona sirin ira may disipulo tan sinumpal day pagagawa nen Jesus.

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

2 CORINTO 10:1

Siak, a si Pablo, so dilin mikakasid sikayo—siak ya asalitan maoyo-yamo no kaiba ta kayo, balet masebesebeg no arawi ak. Diad panamegley na inkaoyamo tan inkaabig nen Cristo, pikasik ed sikayo ya

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Saray Huis 12:14

Apataploy anak ton lalaki tan talomploy apo ton lalaki; pitomplon asnoy loganan da. Waloy taon ya impangulo nen Abdon so Israel,

Saray Huis 5:10

Salita yoy nipaakar ed saya, sikayo ran managkabayod ampotin asno, a manyodyodyorung ed saray silya, tan sikayo ran nepeg a manakar inermay laen yo.