Mateo 21:43 - Maung A Balita Biblia

⁴³ “Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Maung a Balita Biblia

⁴³ Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.

Mateo 21:43 Iomraidhean Croise

Exodo 19:6

Magmaliw kayo a totoon nisaklang ed siak labat, tan papari a manlingkur ed siak.” Sikara yay imbaga na Dios ed saray Israelita diad panamegley nen Moises.

Isaias 26:2

Lokasan iray puirta na siudad tan palooben so matoor a bansa, say bansa a matonung so gagawaen da ray totoo to.

Isaias 28:2

Say Katawan walay too ton mabiskeg tan makapanyari ya akaparaan ya ondogpa ed sikara; sikatoy onsabi a singa oran a kristal, singa mapmaples ya oran, singa mabiskeg tan maples ya agos na delap, tan lanayapan toy dalin.

Mateo 12:28

Say Ispiritu na Dios so mangiiter ed siak na pakayarin mamaekal ed saray dimonyo, tan sikato yay mamapaneknek a sinmabi lad sikayoy Panariay Dios.

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”

Mateo 21:42

Inkuanen Jesus, “Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!’

Juan 3:3

Inmebat si Jesus ed sikato, “Ibagak ed sikay katwaan: likud a nianak lamet so sakey a too, ag to nanengneng so Panariay Dios.”

Juan 3:5

“Ibagak ed sikay katwaan,” ebat nen Jesus, “no ag nianak ed danum tan Ispiritu so sakey a too, ag makaloob ed Panariay Dios.

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.