Mateo 21:34 - Maung A Balita Biblia

³⁴ Nen asabiy panaon a panagborbor na ubas, imbaki ton miapag ed saray kasamak iray aripen to.

Maung a Balita Biblia

³⁴ Nen asabiy panaon a panagborbor na ubas, imbaki ton miapag ed saray kasamak iray aripen to.

Mateo 21:34 Iomraidhean Croise

Isaias 5:4

Wala kasiy nankulangan ko ed samay kaubasan ko? Akin et anakseng iray aborbor kon bunga, ya aliwan saray masamit a bungan inilaloan ko?

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Mateo 21:35

Balet siningkat na saray kasamak ira may aripen. Pinepekpek day sakey, pinatey da niy sakey, tan tinutupak day kumatlo.

Mateo 21:38

Kanengneng balet na saramay kasamak ed samay anak, nantotongtong ira. Inkuanda, ‘Nitan lay mananawir na kaubasan. Pateyen tayo, pian kayaryan ti lay kaubasan!’

Mateo 21:40

“Natan, no onsabi may akankiey kaubasan, antoy gawaen tod saramay kasamak ey?” tinepet nen Jesus.

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”

Mateo 22:3

Imbaki to ray aripen to a tawagen da ray totoon naimbitaan, balet ag da labay so ondago.

Marcos 12:1

Insan nansalitay Jesus ed sikara diad panamegley na saray alimbawa. Inkuanto, “Walay sakey a toon nantanem na saray ubas. Inalar to tan nanggaway panagpespesan na saray ubas. Amaalagey met na atagey a panagbantayan. Impaasikaso tod saray kasamak, insan linma ed sananey a bansa.

Marcos 12:7

Balet saramay kasamak nantotongtong ira tan kuanda, ‘Nitan lay mananawir na kaubasan. Pateyen tayo, pian kayaryan ti lay kaubasan!’

Marcos 12:9

“Anto natay gawaen na akankiey kaubasan?” tinepet nen Jesus. “Onlan papatey to ra man a totoo, insan to ipaasikasoy kaubasan ed saray arum.

Lucas 20:9

Insan sinalita nen Jesus yan alimbawa ed saray totoo, “Walay sakey a toon nantanem na saray ubas. Impaasikaso tod saray kasamak, tan linmad sananey a bansa a diman manayam a mabayag.