Mateo 21:29 - Maung A Balita Biblia

²⁹ ‘Ag ko labay,’ kuanto may anak. Balet nansalat na kanunotan to tan linma met lamlamang.

Maung a Balita Biblia

²⁹ Ag ko labay, kuanto may anak. Balet nansalat na kanunotan to tan linma met lamlamang.

Mateo 21:29 Iomraidhean Croise

Exodo 4:28

Tinongtong nen Moises ed kinen Aaron iray amin a sinalitay Katawan nen ingganggan ton ompawil ed Egipto; imbaga to met ya amin iray pakelaw ya imbilin na Katawan a gawaen to.

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Saray Bilang 10:30

Inmebat si Hobab, “Ag ak la mila; ompawil ak lad dalin kon nianakan.”

Mateo 21:28

“Antoy nibaga yod saya? Walay sakey a toon duaray anak ton lalaki. Linmad samay pangulowan tan inkuanto, ‘Anak ko, laka natan a mankimey ed kaubasan.’

Mateo 21:30

Insan linma may ama ed yogtan ya anak to tan onman met so imbaga to. ‘On,’ ebat na anak, balet ag linma lamlamang.

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.