Mateo 21:26 - Maung A Balita Biblia

²⁶ Balet no ibaga tayon nanlapud too, antakot tayo ed gawaey totoo, ta manisia ran sakey a propita si Juan.”

Maung a Balita Biblia

²⁶ Balet no ibaga tayon nanlapud too, antakot tayo ed gawaey totoo, ta manisia ran sakey a propita si Juan.

Mateo 21:26 Iomraidhean Croise

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Mateo 11:9

Anton talagay labay yon nengnengen diman? Sakey a propita? On, kuankod sikayo: matalona nen say propita so anengneng yo.

Mateo 14:5

Kanyan labay nen Herodes a pateyen si Juan, balet antakot ed saray Judio ta ipapasen dan propita si Juan.

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Mateo 21:25

Nanlapway pankatonungan nen Juan a maminyag, nanlapud Dios o nanlapud too?” Nantetepetan ira, “Antoy iyebat tayo? No ibaga tayon nanlapud Dios, ikuantod sikatayo, ‘Akin et ag yo sinisiay Juan?’

Mateo 21:27

Kanyan inmebat irad kinen Jesus, “Ag mi amta.” Inkuantod sikara, “Ag ko met sirin ibagad sikayo no antoy pankatonungan kon manggawad saraya.”

Mateo 21:46

Kanyan erelen da lawari, balet antakot irad saray totoo lapud ipapasen dan sakey a propita si Jesus.

Marcos 11:32

Balet no ibaga tayon nanlapud too…” (Antakot irad saray totoo, tan manisia ran amin a si Juan et propita.)

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Marcos 6:20

Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.

Lucas 20:6

Balet no ibaga tayon nanlapud too, saray amin a totoo tupaken da tayoy bato, ta manisia ran propita si Juan.”

Lucas 22:2

Saray manonan papari tan saray iskriba et manaanap iray pankanawnawa ran mamatey ed kinen Jesus, ta antakot irad saray totoo.

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

Juan 9:22

Onyay imbaga ray atateng to, lapud antakot irad saray Judio. Ta nampapaknaan la na saray Judio a papawayen dad sinagoga so siopaman a mangibagan si Jesus so Cristo.

Saray Gawgawa 5:26

Linmad Timplo may kapitan a kaiba to ray sondalo to, tan inawit da ra may apostol. Balet andi-pasootan so impangawit da, ta antakot ira ompan tupaken iray totoo.