Mateo 21:14 - Maung A Balita Biblia

¹⁴ Wala ray bulag tan piley a sinmingger ed kinen Jesus dimad Timplo tan pinapaabig to ra.

Maung a Balita Biblia

¹⁴ Wala ray bulag tan piley a sinmingger ed kinen Jesus dimad Timplo tan pinapaabig to ra.

Mateo 21:14 Iomraidhean Croise

Isaias 35:5

Diad satan, makanengneng iray bulag, tan makadngel iray telek.

Mateo 21:15

Akapasnuk iray manonan papari tan saray iskriba nen anengneng day makapakelkelaw iran gagawaen nen Jesus tan saray ogogaw a mankulkulyaot ed loob na Timplo, “Hosanna ed Anak nen David!”

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

Mateo 9:35

Nililiber nen Jesus ya amin iray bario tan baley. Nambabangat ed loob na saray sinagoga tan nampupulong na Maung a Balitan nipaakar ed Panarian. Pinapaabig to met ya amin iray totoon maniirap na nandoroman sakit tan liliknaen.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.