Mateo 21:13 - Maung A Balita Biblia

¹³ Insan inkuantod sikara, “Nabasad Masanton Sulat a say Dios inkuanto: ‘Say abung ko natawag ya abung a panagpikasiyan.’ Balet ginawa yon ayaman da ray matatakew!”

Maung a Balita Biblia

¹³ Insan inkuantod sikara, Nabasad Masanton Sulat a say Dios inkuanto: Say abung ko natawag ya abung a panagpikasiyan. Balet ginawa yon ayaman da ray matatakew!

Mateo 21:13 Iomraidhean Croise

Saray Salmo 93:5

Magnayon iray ganggan mo, Katawan, tan tuan masanto so Timplom ya anggad angga.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Jeremias 7:11

Abaloan yo amon amutan na saray tulisan so Timplok? Anengneng koy gagawaen yo.

Mateo 2:5

“Diad Betlehem ed Judea,” ebat da. “Ta onyay insulat na propita,

Marcos 11:17

Insan imbangat tod saray totoo, “Nabasad Masanton Sulat a say Dios inkuanto, ‘Say abung ko natawag ya abung a panagpikasiyan na amin a katoowan.’ Balet ginawa yon ayaman da ray matatakew!”

Lucas 19:45

Linmoob si Jesus ed Timplo tan pinataynan to ray manlalakod man.

Lucas 19:46

Inkuantod sikara, “Ibabagay Masanton Sulat a kuay Dios, ‘Say abung ko natawag ya abung a panagpikasiyan!’ Balet ginawa yon ayaman da ray matatakew!”

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’