Mateo 20:8 - Maung A Balita Biblia

⁸ “Nen onsisironget la, samay akankaubasan tinawag toy inkargado to tan inkuanto, ‘Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.’

Maung a Balita Biblia

⁸ Nen onsisironget la, samay akankaubasan tinawag toy inkargado to tan inkuanto, Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.

Mateo 20:8 Iomraidhean Croise

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

Genesis 43:19

Nen wala rad puirtay abung, inkuandad samay inkargado,

Levitico 19:13

“Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Mateo 20:7

‘Anggapo lantiy mangalad sikami a mankimey,’ kuanda. Inkuanto, ‘No ontan sirin, lakayo met a mankimey ed kaubasan ko!’

Mateo 20:9

Saramay ginmapon nankimey na alas singko, akaawat iray sansasakey a dinario.

Mateo 25:19

“Kasumpal na andokey a panaon, pinmawil imay amo ra tan akikuintaan ed sikara.

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Lucas 10:7

Manayam kayod saman ya abung; akan tan inom yoy iparongo rad sikayo, ta nepeg a bayaran so kumikimey. Ag kayo salat a salat na panayaman yon abung.

Lucas 12:42

Inmebat so Katawan, “Siopa sirin so napanmatalkan tan marunong ya aripen? Say aripen ya ipasen na amo to a mangasikasoy abung to, tan mangiter na kanen da ray kapara ton aripen diad manepeg ya oras.

Lucas 8:3

Juana ya asawa nen Cusa ya opisyal nen Herodes, Susana, tan arum ni ran amayamay a bibii. Sarayan bibii inkakana ray kayamanan da ed intulong dad kinen Jesus tan saray disipulo to.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

Deuteronomio 24:15

Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Tito 1:7

Ta say panguloy iglisia nepeg ya anggapoy pakabalawan ed sikato, bangta say kimey a nipaakar ed Dios so nipalimad sikato. Nakaukolan ya aliwan mapaatagey, aliwan mapasnuk, aliwan buanges, aliwan maruksa, tan aliwan maagom.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 4:10

Singa maung a manangasikasoy nandoroman rigaloy Dios, nepeg ya ikana na balang sakey so langkap na Dios ed sikato a pankaabigay arum a totoo.

Ruth 2:6

Inmebat may laki, “Aliwan taga dia tan a bii. Kaiba nen Noemi a nanlapud Moab.