Mateo 20:28 - Maung A Balita Biblia

²⁸ a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

Maung a Balita Biblia

²⁸ a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.

Mateo 20:28 Iomraidhean Croise

Say Libro nen Job 33:24

Diad panangasi na anghil ikuanto, ‘Ibolus yo! Ag ni nepeg ya ompatey. Nia so dondon a para kibolus to.’

Saray Salmo 49:7

Ag nayariay too a dondonen toy sikaton dili; ag to nabayaran ed Dios so bilay to,

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Isaias 53:8

Inerel da tan sinintinsiaan da, insan da tinengneng a pateyen, et anggapoy wala ed saray totoo so nansumpalan to. Pinatey lapud saray kasalanan da ray totoo tayo.

Mateo 20:27

Tan siopaman ed sikayo so labay toy manona, nepeg a paaripen ed sikayo,

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Marcos 10:45

Ta anggan say Anak na Too ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

Marcos 14:24

Inkuanen Jesus ed sikara, “Sikato yay dalak a mamaneknek ed impisipanay Dios, say dalak ya onterter para saray amayamay a totoo.

Lucas 22:27

Siopay lalon manona: say akarongon mangakan, o say mansisirbi? Say akarongon mangakan. Balet managsirbi ak ed sikayo ran kakaibak.

Juan 10:15

a singa say Ama kabat to ak tan sikatoy kabat ko. Tan isaklang koy bilay ko para saray karniro.

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 Timoteo 2:6

ya inter toy sikaton dili a panondon ed amin a katoowan. Sikato yay pakanengnengay pilalek na Dios, tan nipanengneng ed niganan panaon.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 2:10

Manepeg ed Dios—say amalsa tan manaasikasod amin a bengatla—a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so mangipapanguloy kilalaban da.

Saray Hebreo 5:8

Anggaman ya Anak na Dios, naaral toy ononur diad panamegley na impanirap to.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.