Mateo 20:25 - Maung A Balita Biblia

²⁵ Tinawag nen Jesus iran amin tan inkuanto, “Kabat yo a saray manoley ed saray Hintil walay pakayari rad saray totoon ooleyan da, tan nagawa so labay da ray walay betang.

Maung a Balita Biblia

²⁵ Tinawag nen Jesus iran amin tan inkuanto, Kabat yo a saray manoley ed saray Hintil walay pakayari rad saray totoon ooleyan da, tan nagawa so labay da ray walay betang.

Mateo 20:25 Iomraidhean Croise

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Mateo 20:24

Nen nadngelan ya na saray samploran disipulo, asanukan irad saramay sanagi.

Marcos 10:42

Tinawag nen Jesus iran amin tan inkuanto, “Kabat yo a saray nipasen a manoley ed saray Hintil walay pakayari rad saray totoon ooleyan da, tan nagawa so labay da ray walay betang.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.