Mateo 20:21 - Maung A Balita Biblia

²¹ “Antoy labay mo?” tepet nen Jesus. Inmebat, “Iyabuloy mo pa komun ya onyorung ed sikad nanarian mo ra yay duaran anak ko, say sakey diad nikawanan mo tan say sakey diad nikawigim.”

Maung a Balita Biblia

²¹ Antoy labay mo? tepet nen Jesus. Inmebat, Iyabuloy mo pa komun ya onyorung ed sikad nanarian mo ra yay duaran anak ko, say sakey diad nikawanan mo tan say sakey diad nikawigim.

Mateo 20:21 Iomraidhean Croise

1 Saray Arari 2:19

Kanyan linmay Bat-seba ed ari, ta isalitaan toy Adonias. Inmalagey so ari a pangilugay tod ina to, insan tinmuek ya angigalang. Inmirung ed trono to tan amaiyan na yorungan ed nikawanan to tan inirungan nen ina to.

1 Saray Arari 3:5

Diad saman a labi, pinmayawar ed sikato so Katawan diad sakey a kogip tan tinepet na Katawan ed sikato, “Antoy labay mon iter kod sika?”

Ester 5:3

“Akin, Riyna Ester?” tepet na ari. “Ibagam so labay mo, et iter ed sika, anggan say kapaldua na nanarian ko.”

Saray Salmo 110:1

Say Katawan inkuantod katawan ko ya ari, “Yorung ka ed nikawanan ko anggad napasukok ed sika iray kalaban mo.”

Saray Salmo 45:9

Saray arum a bibiid palasiom et anak na saray arari, tan manalalagey so riyna ed nikawanay tronom, ya akaalahas na puron balituk.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Mateo 18:1

Diad saman a bekta, linma ray disipulo ed kinen Jesus tan tinepet da, “Siopay manona ed Panariay tawen?”

Mateo 19:28

Inkuanen Jesus, “Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

Mateo 20:32

Tinmonday Jesus, tinawag to ra tan tinepet to, “Antoy labay yo a gawaen kon para sikayo?”

Marcos 10:51

Tinepet nen Jesus ed sikato, “Antoy labay mon gawaen kon para sika?” Inmebat imay bulag, “Maistro, labay koy makanengneng.”

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Marcos 6:22

Namparontal so marikit ya anak nen Herodias tan sinmayaw. Alay liket nen Herodes tan saray sangkaili to diad impambantay da. Kanyan inkuan na arid samay marikit, “Kerew kad siak na antokaman a labay mo et iter kod sika.”

Lucas 18:41

“Antoy labay mon gawaen kon para sika?” “Katawan,” ebat to, “labay koy makanengneng.”

Lucas 19:11

Kadngel dad saraya, intuloy nen Jesus so pansasalita tod sikara. Sinalita toy sakey ya alimbawa, lapud sikatoy asingsingger lad Jerusalem tan say amta ray totoo et magano lan onsabiy Panariay Dios.

Lucas 22:24

Nansasangsangan met iray disipulo no siopad sikaray nabirbir a manona.

Juan 15:7

No mansiansia kid siak tan mansiansiad sikayo ray salitak, kerew kayo na antokaman a labay yo, et nagamuran yo.

Saray Gawgawa 1:6

Kanyan nen aminsan a nantitipon ira, tinepet dad kinen Jesus, “Katawan, ipawil mo la kasi natan ed Israel so Panarian?”

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

COLOSAS 3:1

Pinaoli kayod bilay a kaiba yoy Cristo, kanyan panogagepan yo ray bengatlan walad tawen a kawalaan nen Cristo, ya akayorung ed nikawanay Dios.