Mateo 20:16 - Maung A Balita Biblia

¹⁶ Insan kuanen Jesus, “Kanyan makaona ray nanaonur, tan naonur iray makakaona.”

Maung a Balita Biblia

¹⁶ Insan kuanen Jesus, Kanyan makaona ray nanaonur, tan naonur iray makakaona.

Mateo 20:16 Iomraidhean Croise

Mateo 19:30

Balet amayamay iray makakaona natan a naonur, tan amayamay met iray nanaonur natan a makaona.”

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Mateo 22:14

“Ta amayamay so naimbitaan, balet dagdaiset so napili.”

Mateo 7:13

“Loob kayod mainget a puirta, ta maawang so puirta tan mainomay so dalan a mamaarap ed impirno, tan sikato yay dadalanen na amayamay a totoo.

Marcos 10:31

Balet amayamay iray makakaona natan a naonur, tan amayamay met iray nanaonur natan a makaona.”

Lucas 14:24

Kuankod sikayo: anggapod saray onaan ya inimbitaan ko so makataway na ponsiak!’”

Lucas 15:7

Ontan met, kuankod sikayo, a babaleg so liket ed tawen lapud sakey a toon mampataulid saray kasalanan to, nen say siamaplo tan siam a totoon matonung ya ag da la nakaukolay mampatauli.”

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.”

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.

Saray Taga Roma 8:30

Kanyan tinawag to ray inggana to la nen saman. Pinaandi toy kasalanan da ray tinawag to, tan initdan toy kagalangan iray pinaandian toy kasalanan.

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.