Mateo 2:6 - Maung A Balita Biblia

⁶ ‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Maung a Balita Biblia

⁶ Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.

Mateo 2:6 Iomraidhean Croise

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

2 Samuel 5:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sika na Katawan ya iwanwan mo ray totoo to tan oleyan mo ra.”

1 Saray Awaran 2:51

Si Salma a lakin anak nen Hur so angiletneg na Betlehem, tan si Haref a sakey nin anak ton laki so angiletneg na Bet-gader.

1 Saray Awaran 5:2

Balet nagmaliw a sankabiskegan so tribu nen Juda tan sikatoy nanlapwan na sakey a manoley ed amin a tribu.)

Esdras 2:21

Pinmawil met ira yan totoo a saray lalaki ra et nanayam ed saray onggendan a baley: Betlehem—sanlasus, duamplo tan talo Netofa—limamplo tan anem Anatot—sanlasus, duamplo tan walo Azmavet—apataplo tan dua Kiryat-jearim, Cefira tan Beerot—piton lasus, apataplo tan talo Rama tan Geba—anem a lasus, duamplo tan sakey Micmas—sanlasus, duamplo tan dua Betel tan Ai—duan lasus, duamplo tan talo Nebo—limamplo tan dua Magbis—sanlasus, limamplo tan anem Say sananey ya Elam—sanlibo, duan lasus, limamplo tan apat Harim—talon lasus tan duamplo Lod, Hadid, tan Ono—piton lasus, duamplo tan lima Jerico—talon lasus, apataplo tan lima Senaa—talonlibo, anem a lasus tan talomplo

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Saray Bilang 24:19

Gatin-gatinan ira na bansa ya Israel Tan deralen to ray akapaliis ed patey.”

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Juan 21:16

Pinidwa nen Jesus a tinepet, “Simon ya anak nen Juan, inaro mo ak?” “On, Katawan,” ebat to, “amtam ya inaro ta ka.” Inkuanen Jesus ed sikato, “Asikasom iray karnirok.”

Juan 7:42

Ag ta kuay Masanton Sulat a diad boleg nen David so panlapway Cristo tan nianak ed Betlehem, say baley a nanayaman nen David?”

TAGA-EFESO 1:22

Say Dios pinasuko toy amin a bengatla ed Cristo, a sikatoy inter tod iglisia a sankatageyan a panguloy amin a bengatla.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

Saray Hebreo 7:14

Ta malinlinew a say Katawan kabyangay tribu nen Juda; tan ag binitla nen Moises yan tribu nen nansalita na nipaakar ed saray papari.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”