Mateo 2:2 - Maung A Balita Biblia

² Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Maung a Balita Biblia

² Nantepet-tepet ira, Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.

Mateo 2:2 Iomraidhean Croise

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 45:11

Lapud gangganam, pampirawatan kay ari; sikatoy katawan mo, kanyan nepeg mon onuren.

Isaias 60:3

Onsingger ed silew mo iray bansa, Tan onsingger ed ibutay na balon agew mo iray arari.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 30:9

Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Mateo 2:3

Nen nadngelan to ya nen Ari Herodes mapalaloy inkagunigon to; ontan met na amin da ray taga Jerusalem.

Mateo 21:5

“Ibaga yod siudad na Sion, Onsasabid sikay arim. Mapaabeba tan akakabayod asno, akakabayod kilaw na asno.”

Mateo 27:11

Manalalagey natan si Jesus ed arap na Gobirnador na Roma. “Sikay ari da ray Judio?” tinepet to may Gobirnador na Roma. Inmebat si Jesus, “Sika lan dili so mangibabaga.”

Lucas 19:38

“Bindisionan komuy Dios so arin onsasabid ngaray Katawan! Kareenan ed tawen! Galang ed Dios!”

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Lucas 23:3

Tinepet nen Pilato, “Sikay ari da ray Judio?” “Sika lan dili so mangibabaga,” ebat nen Jesus.

Lucas 23:38

Onyay akasulat ed olowan to: “Sikato yay Ari da ray Judio.”

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Juan 12:13

Kanyan angala ray sanga-sangay kiew a palma tan inabet dad paway na siudad. Ineeyag da, “Hosanna! Bindisionan komuy Dios so onla dia ed ngaray Katawan! Bindisionan na Dios komun so Ari na Israel!”

Juan 18:37

Tinepet nen Pilato, “No ontan sirin, sakey kan ari?” Inmebat si Jesus, “Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.”

Juan 19:19

Insulat nen Pilato so onyan balikas: “Si Jesus a taga Nazaret, say Ari da ray Judio,” insan to impaipeket ed krus.

Juan 20:28

Inkuanen Tomas ed sikato, “Katawan ko tan Dios ko!”

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 9:38

“Manisia ak, Katawan!” kuanto may laki tan inggalang toy Jesus.

Saray Hebreo 1:6

Nen say Dios et ngalngali to lan ibakid sankamundoan so bogbogtung ya Anak to, inkuanto, “Sikatoy nepeg ya igalang na amin da ray anghil na Dios.”

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”