Mateo 2:15 - Maung A Balita Biblia

¹⁵ Nanayam irad man ya anggad impatey nen Herodes. Agawa ya pian nasumpal so inkuan na Katawan diad panamegley na propita, “Tinawag koy Anak kon papawayen a manlapud Egipto.”

Maung a Balita Biblia

¹⁵ Nanayam irad man ya anggad impatey nen Herodes. Agawa ya pian nasumpal so inkuan na Katawan diad panamegley na propita, Tinawag koy Anak kon papawayen a manlapud Egipto.

Mateo 2:15 Iomraidhean Croise

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

Oseas 11:1

Say Katawan kuanto, “Nen ogaw ni so Israel, inararok tan impaway kod Egipto a sakey ya anak kon laki.

Saray Bilang 24:8

Say Dios impaway to rad Egipto; Singa bakad katakelan a mibabakal para sikara. Sarasarag dan buagen iray kalaban da, Temeken da ray pokel da, poteren da ray pana ra.

Mateo 1:22

Agawa yan amin, pian nasumpal so inkuan na Katawan diad panamegley na propita,

Mateo 2:14

Binmangon si Jose tan diad saman a labi, pinmikal a mamaarap ed Egipto a kaiba toy ogaw tan say ina to.

Mateo 2:17

Diad sayan agawa, asumpal so inkuanen propita Jeremias:

Mateo 2:19

Nen inatey lay Herodes, sakey ya anghil na Katawan so pinmayawar ed kugip nen Jose dimad Egipto.

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, “Sikatoy natawag a Nazareno.”

Mateo 21:4

Agawa ya pian nasumpal so imbagay propita:

Mateo 26:54

Balet no ontan, panon a nasumpal so ibabagay Masanton Sulat ya onyay nagawa?”

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Mateo 27:35

Impasak dad krus tan, kayari ran nampapalaranan iray kawes to, inapag da.

Mateo 8:17

Ginawa to ya, pian nasumpal so imbaga nen propita Isaias, “Sikaton diliy nansakbat na saray kakapoyan tayo, tan inekal to ray sakisakit tayo.”

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Juan 19:36

Agawa ya pian nasumpal so ibabagay Masanton Sulat, “Anggapon balut so napoter a pokel to.”

Saray Gawgawa 1:16

“Agagik, nakaukolan a nasumpal so walad Masantod Sulat ya imbaga na Ispiritu Santo, diad panamegley nen David, nipaakar ed kinen Judas ya angipangulo ed saray angerel ed kinen Jesus.