Mateo 19:3 - Maung A Balita Biblia

³ Wala ray Pariseon sinmingger ed sikato, ta labay dan erelen ed salita to. Tinepet da, “Iyaabuloy kasi na Ganggan ya isian na sakey a laki so asawa to ya anggan antoy makasengeg?”

Maung a Balita Biblia

³ Wala ray Pariseon sinmingger ed sikato, ta labay dan erelen ed salita to. Tinepet da, Iyaabuloy kasi na Ganggan ya isian na sakey a laki so asawa to ya anggan antoy makasengeg?

Mateo 19:3 Iomraidhean Croise

Mateo 16:1

Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

Mateo 22:35

Walay sakey ed sikaran makabat ed Ganggan a sinali ton ereley Jesus diad panamegley na sakey a tepet.

Marcos 10:2

Wala ray Pariseon sinmingger met ed kinen Jesus, ta labay da ya erelen ed salita to. “Ibagam ed sikami,” tinepet da, “iyabuloy kasi na Ganggan ya isian na sakey a laki so asawa to?”

Marcos 12:13

Wala ray pigaran Pariseo tan pigaran totoo nen Herodes ya imbaki da ran mangerel ed kinen Jesus diad panamegley na pantepet da.

Marcos 12:15

Balet atebek nen Jesus so maoges a getma ra, kanyan kuantod sikara, “Akin et labay yo ak ya erelen? Itdan yo ak pa na sakey a kuarta ta nengnengen ko.”

Juan 8:6

Tinepet da yan panubok ed sikato, pian walay nidalem dan sumlang ed sikato. Balet tinmuek si Jesus tan impansulat toy tamoro tod dalin.

1 CORINTO 7:10

Walay ganggan kod saray walay asawa, ya ag nanlapud siak no ag diad Katawan: ag nepeg a misiyan so bii ed asawa to.

Saray Hebreo 3:9

Sinali tan sinubok da ak diman, kuay Dios, anggaman a naimatunan da ray ginagawak ed loob na apataploy taon.