Mateo 19:28 - Maung A Balita Biblia

²⁸ Inkuanen Jesus, “Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Maung a Balita Biblia

²⁸ Inkuanen Jesus, Kuankod sikayo a no say Anak na Too et akayorung lad mapagalang a trono diad Balon Mundo, sikayon ontotombuk ed siak onyorung ki met ed labinduan trono a manintinsia ed saray labinduan boleg na Israel.

Mateo 19:28 Iomraidhean Croise

1 Saray Arari 18:31

Angalay labinduan bato, sakey so para kapag sakey a tribu ya inngaran onung ed saramay labinduan anak nen Jacob, say lakin angitdan na Katawan na ngaran ya Israel.

2 Saray Awaran 9:19

Diad duaran samput na balang balitang wala met so kinortin akaalagey a lion; labindua ran amin. Anggapoy nanarian a walay onyan trono to.

Esdras 6:17

Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.

Exodo 15:27

Insan akasabi ra ed Elim a kawalaan na labinduan sobul tan pitomplon kiew a palmira; nankampo rad man ed abay na danum.

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Isaias 65:17

Say Katawan kuanto, “Mamalsa ak na balon mundo tan balon katawenan. Sigput a nalingwanan iray agawgawa ed imbeneg a panaon.

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Levitico 24:5

Mangala kayoy samplora tan kapalduan kilon arina, ta manggawa kayoy labinduan tinapay.

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Mateo 19:27

Nansalitay Pedro, “Ag mo lilingwanan a tinaynan miy amin a bengatla tan tinmombuk kamid sika. Antoy nitumang ed sikami?”

Mateo 20:21

“Antoy labay mo?” tepet nen Jesus. Inmebat, “Iyabuloy mo pa komun ya onyorung ed sikad nanarian mo ra yay duaran anak ko, say sakey diad nikawanan mo tan say sakey diad nikawigim.”

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Marcos 10:37

Inmebat ira, “Iyabuloy mo pa komun ya onyorung kami ed nikawanan tan nikawigim, no onyorung ka lad trono na Panarian mo.”

Saray Gawgawa 3:21

Nakaukolan a manayam nid tawen ya anggad panaon a napasimbalo ray amin a bengatla, onung na imbagay Dios nen saman ni, diad panamegley da ray masanton propita to.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Josue 3:12

Mampili kayo na labinduan lalaki, sakey ed kapag tribu na Israel.

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

Puyan 11:16

Insan saramay duamplo tan apat a mamatakken a manyodyorung ed saray trono rad arap na Dios, dinmakmomo ra tan inggalang day Dios,

Puyan 12:1

Kasumpal to ya, linmetaw ed tawen so makapakelkelaw a sinyal: sakey a biin say agew so kawes to, say bulan so tinoonan da ray sali to, tan nankoronay labinduan bitewen so olo to.

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 21:5

Insan inkuanto may akayorung ed trono, “Natan, pasimbaloen ko ya amin iray bengatla!” Inkuantod siak ed satan, “Isulat mo ya, ta napanmatalkan tan tua ra yan salita.”

Puyan 22:2

tan onaagos ed pegley na dalan na siudad. Diad balang gilig na ilog, wala ray kiew na bilay. Mambubunga ran binulan, tan saray bolung da et tambal na sakit da ray bansa.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 4:4

Aliber met imay trono na duamplo tan apat nin trono, tan wala ray akayorung a duamplo tan apat a mamatakken ya akakawes iray ampoti tan akakorona ray balituk.

Puyan 7:4

Insan nibagad siak so bilang da ray amarkaan: sanlasus, apataplo tan apat a libo a nanlapud amin a boleg na saray totood Israel.