Mateo 18:35 - Maung A Balita Biblia

³⁵ “Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.”

Maung a Balita Biblia

³⁵ Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.

Mateo 18:35 Iomraidhean Croise

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Zacarias 7:12

Pinaawet dan singa bato so kapusoan da. Mapalaloy impakapasnuk ko lapud ag ira dinmengel ed saray ganggan kon impaibangat kod saray propitan nambibilay nen saman a panaon.

Mateo 18:34

Diad ontan lan pasnuk to may ari, impaipriso to ya anggad ag to pakabayar.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Marcos 11:25

No onalagey kayon mampikasi, pirdona yo ray nankasalanan ed sikayo, pian pirdonaen met na Ama yon walad tawen iray kasalanan yo.”

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Santiago 3:14

Balet no manarid puso yoy ampait ya imon tan pantatalonaan, ag yo nepeg itan ya ipasirayew, tan ag kayo mantitila sumpad katwaan.

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.