Mateo 18:28 - Maung A Balita Biblia

²⁸ “Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. ‘Bayaran mo lay utang mod siak!’ inkuanto.

Maung a Balita Biblia

²⁸ Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. Bayaran mo lay utang mod siak! inkuanto.

Mateo 18:28 Iomraidhean Croise

Nehemias 10:31

No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Nehemias 5:7

Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Probirbio 28:3

Say toon walad pakaoley a mamapairap ed saray totoon mairap-bilay, et singa makmaksil ya oran a mandederal ed saray tanaman.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Ezekiel 45:9

Say Katawan a Dios kuanto, “Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.

Mateo 18:27

Akasian nen ari kanyan pinirdona toy utang to, insan to la imbaki.

Mateo 18:29

Samay kapara ton aripen nantalimukor ed arap to tan akikasi, ‘Mananos ka karid siak; bayaran ta kan bayaran!’

Mateo 20:2

Nen akapipaknaan ya upaan to ray sakey a dinario ed sanagew, imbaki to la ran mankimey ed kaubasan to.

Marcos 14:5

Inlako la komun na masoluk a talon lasus a dinario, insan inter ed saray mairap-bilay so nanlakoan!” Ontan lay impambalaw dad samay bii.

Marcos 6:37

Inmebat si Jesus, “Sikayo ingey mangiter na kanen da.” “Say labay mon ibaga,” kuanda, “onla kamin manaliw na tinapay a mambili na duan lasus a dinario ya iter min kanen da?”

Lucas 10:35

Nen ontombuk ya agew, angaut na kuartad bulsa to, insan to inter ed samay inkargadoy abung a pundowan. Inkuanto, ‘Asikasom, ta kapawil ko dia, bayaran koy amin a nagastos mo nid panasikasom ed sikato.’”

Lucas 7:41

Inkuanen Jesus, “Walay duaran too ya akautang ed sakey a managpabayes na kuarta. Say sakey akautang na sanliboy pisos tan samay sakey akautang met na sanlasus pisos.

Juan 6:7

Inmebat si Felipe, “Anggan mambiliy duan lasus a dinarion tinapay so saliwen, siansian ag ni naapisay eges dan amin.”

Deuteronomio 15:2

Onya so nepeg a nagawa. Balang sakey a too nepeg to lan paandien so kuartan impabayes tod kapara ton Israelita; ag to la nepeg a singilen, ta say Katawan a dili et imbawag to lan apaandi la.