Mateo 17:18 - Maung A Balita Biblia

¹⁸ Nampasnukan nen Jesus imay dimonyo, kanyan inmekal ed samay ogaw. Tan manlapud saman a bekta, inmabig.

Maung a Balita Biblia

¹⁸ Nampasnukan nen Jesus imay dimonyo, kanyan inmekal ed samay ogaw. Tan manlapud saman a bekta, inmabig.

Mateo 17:18 Iomraidhean Croise

Mateo 12:22

Inyakar dad kinen Jesus so sakey a lakin bulag tan ag makasalita lapud inaponay dimonyo. Pinaabig nen Jesus, kanyan makanengneng tan makatongtong la.

Mateo 15:28

Inmebat si Jesus, “Mabisbiskeg so pananisiam! Nagaway kekerewen mo.” Manlapud saman ya oras, inmabig imay anak ton bii.

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Mateo 17:19

Linma ray disipulod kinen Jesus tan tinepet dad sikato nen anggapoy arum a makadngel, “Akin et ag mi napaekal imay dimonyo ed samay ogaw?”

Mateo 9:22

Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Marcos 1:34

Amayamay iray pinapaabig ton manliliknay nambabangil a sakit tan pinapaekal to ray dakerakel a dimonyo. Ag to pinapaesel iray dimonyo, lapud kabat da no siopay Jesus.

Marcos 5:8

(Imbaga to ya lapud inkuanen Jesus ed sikato, “Maoges ya ispiritu, ekal kad sayan too!”)

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Lucas 8:29

Imbaga to ya, lapud ingganggan nen Jesus so ispiritun maoges ya onekal ed saman a too. Naynay ton looban imay laki, tan anggan antoy pambantay ed sikato, anggan antoy pamalur ed saray sali tan lima to na golunggolung, sarasarag ton ekalen, insan paonlaen ed kalawakan na dimonyo.

Lucas 9:42

Nen ondarago may ogaw, tinumbay dimonyo tan pinatayegteg to. Nampasnukan nen Jesus imay dimonyo, pinaabig to may ogaw, insan to impawil ed ama to.

Saray Gawgawa 16:18

Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, “Diad ngaran nen Jesu-Cristo, igaganggan kod sikan ekal kad sayan bii!” Tampol ya inmekal imay ispiritu.