Mateo 17:17 - Maung A Balita Biblia

¹⁷ Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Maung a Balita Biblia

¹⁷ Inmebat si Jesus: Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.

Mateo 17:17 Iomraidhean Croise

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 16:28

Insan say Katawan kuantod kinen Moises, “Kapigan mangangga so isusumlang na saray totoo ed saray ganggan ko?

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 6:9

Anggad kapigan so panilakilak na mangiras a too ed dokulan to? Kapigan so ibangon tod ogip to?

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Saray Bilang 14:11

Say Katawan kuantod kinen Moises, “Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

Mateo 13:58

Ag to nanggaway dakel a milagrod man lapud anggapoy pananisia ra.

Mateo 16:8

Amta nen Jesus so pantotongtongan da, kanyan tinepet to, “Akin et pantotongtongan yoy ag yo impanbalon na tinapay? Makapoy so pananisia yo!

Mateo 17:16

Inyakar kod saray disipulom, balet ag da napaabig.”

Mateo 17:18

Nampasnukan nen Jesus imay dimonyo, kanyan inmekal ed samay ogaw. Tan manlapud saman a bekta, inmabig.

Mateo 6:30

No say Dios so mangakawes ed saray karikaad kaalogan, a mabilay ira natan tan napoolan la ra nabwas, ag lalo kasin kawesan to kayo? Agaylay kapoy na pananisia yo!

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Marcos 9:19

Inkuanen Jesus ed sikara, “Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Lucas 24:25

Inkuanen Jesus ed sikara, “Agaylay kakulangay panagnunot yo! Akin sirin et mairap kayon manisia ed amin ya imbaga da ray propita?

Lucas 9:41

Inmebat si Jesus, “Agaylay kinaoges tan ag yo panisiad Dios, sikayon totood sayan panaon! Anggan kapigan kasiy piolup-olup kod sikayo? Anggad kapigay pananos kod sikayo?” Insan inkuantod samay too, “Iyakar mo pa dia tay anak mo.”

Juan 20:27

Insan to inkuan ed kinen Tomas, “Itobung mo dia tay tamorom tan nengneng mo ray limak. Iyonat mo tay limam tan iseksek mod diking ko. Ag ka manduaduaruwa, no ag ingen manisia ka la!”

Saray Gawgawa 13:18

tan inanosan to rad kalawakan ya apataploy taon.

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

2 CORINTO 11:1

Anosan yo ak komun no bilang ta singa ak makulang-kulang.

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.