Mateo 16:4 - Maung A Balita Biblia

⁴ Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas!” Tinaynan nen Jesus ira tan inmarawi.

Maung a Balita Biblia

⁴ Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas! Tinaynan nen Jesus ira tan inmarawi.

Mateo 16:4 Iomraidhean Croise

Genesis 6:3

Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

Isaias 57:3

Dago kayo dia a pasintinsiaan, sikayon makasalanan! Anggapoy pidomaan yod saray managanito, managkalugoran, tan saray marotak a bibii.

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Jonas 1:1

Aminsan ya agew say Katawan akisalitad kinen Jonas a lakin anak nen Amitai.

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Mateo 16:5

Nen binmaliw ed dayat iray disipulo, alingwanan day nambalon na tinapay.

Marcos 8:12

Inmingas na araldalem si Jesus, insan inkuanto, “Akin et mananap na milagro ray totood sayan panaon? Ibagak ed sikayo, ag ira naitdan na antokaman a milagro!”

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Saray Gawgawa 2:40

Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”