Mateo 16:23 - Maung A Balita Biblia

²³ Balet inarap nen Jesus tan inkuanto, “Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!”

Maung a Balita Biblia

²³ Balet inarap nen Jesus tan inkuanto, Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!

Mateo 16:23 Iomraidhean Croise

Genesis 3:17

Inkuantod samay laki, “Dinengel moy asawam tan kinan moy prutas ya imbagak ed sikan ag mo kanen. Lapud sayan ginawam, nisambay dalin. Nakaukolan a mansagput kay baleg legan mon mambilay, pian mangiter so dalin na malaem a taganom.

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

1 Saray Awaran 21:1

Nilabay nen Satanas ya itday gunigon iray totood Israel, kanyan tinangguyor toy David ya alaen toy bilang da.

Isaias 8:14

Lapud ontan lan kinasantok singa ak sakey a baton pakapatakbaan na saray totoo; singa ak patit a pakaerelan ed saray totoon kabyangan na saray nanarian na Juda tan Israel tan saray totood Jerusalem.

Mateo 16:22

Inyarawi nen Pedro na daiset si Jesus tan nansalitaan to. Inkuanto, “Ag itan yabuloy na Dios komun, Katawan! Ag itan nepeg a nagawad sika!”

Mateo 18:7

Makapataktakot so kipapasen ed tapew na dalin, lapud saray bengatlan pansengegay pankasalanan da ray totoo! Anggan kapigan ag naandi ray bengatlan pansengegay pankasalanan, balet makapataktakot so nasagmak na toon panlapwan da!

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Marcos 8:33

Balet imbeneg nen Jesus tan inarap to ray disipulo, insan to nampasnukay Pedro. Inkuanto, “Arawi kad siak, Satanas! Say labay na too so nununoten mo, aliwan say labay na Dios.”

Lucas 4:8

Inmebat si Jesus, “Ibabagay Masanton Sulat, ‘Igalang moy Katawan a Dios mo, tan sikato labat so panlingkuran mo!’”

Juan 6:70

Inmebat si Jesus, “Sikayon labindua, ag ta siak so amilid sikayo? Anggaman ontan, sakey so diablo ed sikayo.”

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

Saray Taga Roma 14:21

Maung so ag pangay karni, say ag iyinom na alak, o say ag panggaway bengatlan pansengegan na pankasalanay agim.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

COLOSAS 3:2

Nunnunot yo ray mangatatawen, aliwan saray mangaraldalin a bengatla.