Mateo 15:28 - Maung A Balita Biblia

²⁸ Inmebat si Jesus, “Mabisbiskeg so pananisiam! Nagaway kekerewen mo.” Manlapud saman ya oras, inmabig imay anak ton bii.

Maung a Balita Biblia

²⁸ Inmebat si Jesus, Mabisbiskeg so pananisiam! Nagaway kekerewen mo. Manlapud saman ya oras, inmabig imay anak ton bii.

Mateo 15:28 Iomraidhean Croise

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Mateo 14:31

Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Mateo 15:27

“Tua tay imbagam, Katawan,” kuanto may bii, “balet anggan saray aso mangakan iray keran napepelag ed lamisaay amo ra.”

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Mateo 8:13

Insan inkuanen Jesus ed samay kapitan, “Nayarian mo lay onsempet. Nagaway kekerewen mo, onung ed pananisiam.” Inmabig ed saman a bekta imay katulong to.

Mateo 9:22

Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Marcos 5:34

Inkuanen Jesus, “Anak ko, say pananisiam so amaabig ed sika. Onla kan mareen lay kalakal mo, tan ag la ompawil so sakit mo.”

Lucas 17:5

Inkuanda ray apostol ed Katawan, “Pabiskeg moy pananisia mi.”

Lucas 7:50

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Lucas 7:9

Mankelaw si Jesus nen nadngel to ya. Inarap to ray totoon ontotombuk ed sikato tan inkuanto, “Kuankod sikayo: ag ko ni akarumog na ontan lan pananisiay too, ya anggan diad Israel!”

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.