Mateo 15:14 - Maung A Balita Biblia

¹⁴ Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Maung a Balita Biblia

¹⁴ Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.

Mateo 15:14 Iomraidhean Croise

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Isaias 42:19

Wala ta niy mapalaloy inkabulag to nen say aripen ko, mapalaloy inkatelek to nen say aripen kon ibabakik?

Isaias 56:10

Kuanto, “Amin da ray pangulo a kanepegan day mamasakbay komun ed saray totook et bulag ira! Anggapoy amta ra. Singa ra bantay ya aso ya ag makadangul—mandokdokul ira labat a mankogkogip. Agaylay panlabay dan onogip!

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Malakias 2:8

“Balet natan, inmarawi kayo ed tuan dalan, sikayo ran papari. Inggolo na bangat yo a nanggagaway kaogsan iray amayamay a totoo.

Lucas 6:39

Sinalita met nen Jesus yan alimbawa, “Ag nayarin itabin na bulag so kapara ton bulag, ta no andi napelag iran duad banawang.

Juan 9:39

Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

2 Pedro 2:17

Say kapara na sarayan tila-tilan bumabangat et saray sobul a nakatan tan lorem ya impalig na bagyo. Say Dios imparaanan to la ra na sankabilongetan a pasen.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.