Mateo 14:8 - Maung A Balita Biblia

⁸ Onung na imbilin nen ina to kinerew to, “Iter mod siak ed bandihado, diad sayan bekta, so olo nen Juan a Managbinyag!”

Maung a Balita Biblia

⁸ Onung na imbilin nen ina to kinerew to, Iter mod siak ed bandihado, diad sayan bekta, so olo nen Juan a Managbinyag!

Mateo 14:8 Iomraidhean Croise

1 Saray Arari 18:13

Ag mo ta nadngelan a nen papateyen nen Jezebel iray propita na Katawan et pinaamut kon alimamplo ed saray ongib iray sanlasus ed sikara, iniitdan ko ray tagano tan say nainom da?

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

Esdras 1:9

Saraya so niiter: talomplon yaung a balituk a para saray bagat sanlibon yaung a pilak a para saray bagat duamplo tan siam ya arum a yaung talomplon ankelag a yaung a balituk apat a lasus tan samploran ankelag a pilak a yaung sanlibon arum ya ikakana

Probirbio 1:16

Magangganat iran manggaway kaogsan. Mammainomay day mamatey.

Probirbio 29:10

Kabosul na saray managpatey na too so toon maptek so panagbilay to, balet saray matonung iyagel day bilay to.

Mateo 14:11

Akakargad bandihado may olo ya inter dad samay marikit, insan to met inter ed kinen ina to.

Mateo 14:7

Kanyan inkuanto, “Sambaan ko ya anggan antoy kerewen mo, iter kon iter ed sika!”

Mateo 14:9

Naermenay Herodes, balet lapud samay sipan ton nadngel na amin a sangkaili to, ingganggan ton iter day kerew to may marikit.

Marcos 6:24

Pinmaway natan imay marikit tan intepet tod ina to, “Antoy kerewen ko?” “Say olo nen Juan a Managbinyag,” ebat nen ina to.

Marcos 6:25

Amawil a tampol imay marikit ed ari, insan inkuanto, “Labay ko komun a diad sayan bekta, iter yod siak a walad bandihado so olo nen Juan a Managbinyag!”

Marcos 6:28

Pinmawil ya awit toy olon akaiyan ed bandihado, insan to inyawat ed samay marikit. Say marikit ed satan inter tod kinen ina to.