Mateo 14:19 - Maung A Balita Biblia

¹⁹ Pinayorung tod karikaan iray totoo. Inala tod satan ira may limaran tinapay tan duaran sira, tinmangay ed tawen tan akisalamat ed Dios. Pinipisag to ra may tinapay tan imbaga tod saray disipulo ya ibunog dad saray totoo.

Maung a Balita Biblia

¹⁹ Pinayorung tod karikaan iray totoo. Inala tod satan ira may limaran tinapay tan duaran sira, tinmangay ed tawen tan akisalamat ed Dios. Pinipisag to ra may tinapay tan imbaga tod saray disipulo ya ibunog dad saray totoo.

Mateo 14:19 Iomraidhean Croise

Mateo 14:18

“Awit yo ra dia,” kuanen Jesus.

Marcos 6:39

Ingganggan nen Jesus iray disipulo to a pantitiponen ya agrupo-grupo tan payorungen dad karikaan iray amin a totoo.

Marcos 6:41

Insan inala nen Jesus ira may limaran tinapay tan duaran sira, tinmangay ed tawen, tan akisalamat ed Dios. Pinipisag to ra may tinapay tan inter to rad saray disipulo to, ta ibunog dad saray totoo. Ontan met, inaapag tod sikaran amin ira may duaran sira.

Marcos 7:34

Tinmangay si Jesus ed tawen, inmingas na araldalem, tan inkuanto, “Ephphatha,” a kabaliksan toy, “Lokas ka!”

Lucas 22:17

Angalay kupa tan kasumpal ton akisalamat ed Dios inkuanto, “Ala yo ya tan paniinoman yon amin.

Lucas 22:19

Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, “Sikato yay laman ko a niiter ed sikayo. Gawa yo ya a pakanudnunotan ed siak.”

Lucas 24:30

Nen karongo rad lamisaan angalay tinapay, akisalamat ed Dios, pinipisag to, insan to inter ed sikara.

Lucas 9:14

(Sakey a liman libon lalaki so wadman.) Inkuanen Jesus ed saray disipulo, “Payorung yo ray totoo a sanlilimamplod sakey a grupo.”

Lucas 9:16

Inala nen Jesus ira may limaran tinapay tan duaran sira, tinmangay ed tawen, tan akisalamat ed Dios. Pinipisag to ra tan inter tod saray disipulo to ya ibunog dad saray totoo.

Juan 11:41

Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Juan 6:23

Wala ray baloton nanlapud Tiberias a sinmabid pasen ya asingger ed samay anganan na saray totoo na tinapay, nen kasumpal na Katawan ya akisalamat.

Saray Gawgawa 27:35

Kapangibaga to ya, angalay tinapay, tan diad arap dan amin akisalamat ed Dios, pinipisag to may tinapay, tan ginapoan toy mangan.

Saray Taga Roma 14:6

Say toon ngingilinan toy sakey ya agew, manngingilin a pamagalang tod Katawan; say toon kakanen toy amin a nakan, mamangan a pamagalang tod Katawan, ta pisasalamatan tod Dios so kakanen. Say too balet ya ag mamangay arum iran nakan, ag mamangan a pamagalang tod Katawan, tan pisalamatan to met so Dios.

1 CORINTO 10:16

Aliwa kasin say iyiinom tayod kupa na bindision a pisasalamatan tayod Dios et pinanabang ed dala nen Cristo? Tan say papangan tayoy tinapay a pipisagen tayo et pinabang ed laman nen Cristo?

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

1 CORINTO 11:24

akisalamat ed Dios, insan to pinipisag tan kuanto, “Sikato yay laman ko a para sikayo; gawa yo ya a pakanudnunotan ed siak.”

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.