Mateo 13:57 - Maung A Balita Biblia

⁵⁷ Ag da sirin sinisia si Jesus. Inkuantod sikara, “Narayew ed anggan iner so propita, likud ed dilin baley tan abung to.”

Maung a Balita Biblia

⁵⁷ Ag da sirin sinisia si Jesus. Inkuantod sikara, Narayew ed anggan iner so propita, likud ed dilin baley tan abung to.

Mateo 13:57 Iomraidhean Croise

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Isaias 8:14

Lapud ontan lan kinasantok singa ak sakey a baton pakapatakbaan na saray totoo; singa ak patit a pakaerelan ed saray totoon kabyangan na saray nanarian na Juda tan Israel tan saray totood Jerusalem.

Mateo 11:6

Maliket so toon ag naekalay pananisia ed siak!”

Mateo 13:58

Ag to nanggaway dakel a milagrod man lapud anggapoy pananisia ra.

Marcos 6:1

Tinaynan nen Jesus iman a pasen, tan pinmawil ed baley to a kaolup to ray disipulo to.

Marcos 6:14

Nadngelan nen Ari Herodes ira yan amin ya agawgawa, lapud bantug lay Jesus. Wala ray totoon inkuanda, “Inmolin binmilay si Juan a Managbinyag! Sikaton makapanggagawa na ontan la ran milagro.”

Marcos 6:3

Aliwa kasin sikato ya may karpintiro, ya anak nen Maria, tan sikatoy agi di Santiago, Jose, Judas, tan Simon? Ag ta manaayam ira diay agagi ton bibii?” Sikatoy ag da sirin sinisia.

Marcos 6:4

Inkuanen Jesus ed sikara, “Gagalangen na karaklan so sakey a propita, balet ag gagalangen na saray kabaleyan to kakanayon to tan anggan say dilin pamilya to.”

Lucas 4:24

Insan intuloy to, “Kuankod sikayo: anggapoy propitan naawat ed dilin baley to.

Lucas 7:23

Maliket so toon ag naekalay pananisia ed siak!”

Juan 4:44

Ta imbaga nen Jesus a dili ya ag nagalang so propita ed dilin baley to.

Juan 6:42

Kanyan inkuanda, “Ag ta sikato ya may Jesus ya anak nen Jose? Kabat ti ray atateng to! Panoy pangibabaga to natan a nanlapud tawen?”

Juan 6:61

Balet amta nen Jesus a ngoro-ngoro ray disipulo to nipaakar ed saya, kanyan kuantod sikara, “Onsawa ki la kasid siak lapud sayan bangat?