Mateo 13:35 - Maung A Balita Biblia

³⁵ Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Maung a Balita Biblia

³⁵ Ginawa to ya pian nasumpal so imbagay propita: Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.

Mateo 13:35 Iomraidhean Croise

Saray Salmo 49:4

Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Saray Salmo 78:2

Ikanak iray salitan manangiter na kakabatan, tan ipaliwawak iray mistirio nen saman,

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Mateo 13:14

Kanyan ontutway propisiya nen Isaias nen inkuanto: ‘Ondengel lan ondengel ira yan totoo, balet ag da natalusan; onnengneng la ran onnengneng balet ag da nanengneng,

Mateo 13:3

Dakerakel a bengatla so sinalita nen Jesus ya imparalan ed alimbawa. Inkuanto: “Walay sakey a dumaralus a linman nampasek.

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Mateo 5:2

tan onyay imbangat tod sikara:

Lucas 10:14

Diad Agew na Okum, lalon anlemew so dusa da ray taga Tiro tan Sidon nen say sikayo.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Saray Gawgawa 15:18

Sikato yay imbagay Katawan, ya angipaamta ed saraya nen saman nin panaon.’

1 CORINTO 2:7

Say labay kon ibaga et say niamut a kakabatan na Dios, ya inggana ton pakagalangan tayo nanlapu lad inkapalsay mundo.

TAGA-EFESO 3:5

Nen inmonan panaon, sayan niamut a katwaan et ag akabatay katoowan, balet natan impaamta na Dios, diad panamegley na Ispiritu, ed saray masanton apostol tan saray masanton propita to.

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.