Mateo 13:30 - Maung A Balita Biblia

³⁰ Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.’”

Maung a Balita Biblia

³⁰ Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.

Mateo 13:30 Iomraidhean Croise

2 Samuel 23:7

Nakaukolan a mangikana kay kagawaan a balatyang odino pika; sigput a napoolan ira.

Say Libro nen Job 39:12

Napanilaloan mo a mangisempet na naanim, tan mangisinup na ilik a manlapud panagilikan mo?

Isaias 17:5

Say Israel magmaliw a singa alog ya agapas tan naani lay tanem to; magmaliw a singa ataynan ya alog ed Patar na Refaim a nantortoran la.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Mateo 13:25

Sakey a labi balet, nen nanaogip iray totoo, walay dinmagon kalaban to ya angisibwag na saray bokel na dika; insan la linma.

Mateo 13:29

‘Andi,’ ebat to, ‘ta no baguten yo ray dika, ompan napibagut yo ray trigo.

Mateo 25:32

Mantitipon ed satay amin a katoowan ed arap to. Pambibiigan to rad duaran grupo, a singa say pastol ya ibibiig to ray karniro ed saray kanding.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

1 Timoteo 5:24

Mabatabatar a nengnengen iray kasalanan na saray arum, tan makakaona ed sintinsia ray kasalanan da. Saray kasalanay arum balet, naonur a nakabatan.

1 Samuel 25:29

No walay ondogpad sika tan labay to kan pateyen, say Katawan a Dios iyarawi to kad kaatapan, a singa pambantay na sakey a too ed mablin kayamanan. Ibasileng na Katawan iray kalaban mo, a singa pangipalsut na sakey too ed saray bato.