Mateo 13:23 - Maung A Balita Biblia

²³ Saray ilik a dinmapod mabonan dalin aliling day salitay Dios a dedengelen na totoo tan natalusan da. Sikara yay mambunga. Wala ray mambungay sanlalasus, wala ray sananemaplo, tan wala met iray santatalomplo.”

Maung a Balita Biblia

²³ Saray ilik a dinmapod mabonan dalin aliling day salitay Dios a dedengelen na totoo tan natalusan da. Sikara yay mambunga. Wala ray mambungay sanlalasus, wala ray sananemaplo, tan wala met iray santatalomplo.

Mateo 13:23 Iomraidhean Croise

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Mateo 12:33

Maung so bungay kiew no maung so sengeg to; makapoy so bungay kiew no makapoy so sengeg to. Diad bunga so pakabirbiran no maung o makapoy so sakey a kiew.

Mateo 13:8

Wala met iray ilik a dinmapod mabonan dalin tan nambunga ra. Wala ray nambungay sanlalasus, wala ray sananemaplo, tan wala met iray santatalomplo.”

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Mateo 3:8

Ipanengneng yod panagbilay yo a binenegan yo la ray kasalanan yo.

Marcos 10:15

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.”

Marcos 4:20

Balet saray arum a totoo aliling da ra may ilik a dinmapod mataban dalin. Dengelen day salitay Dios, awaten da tan mambunga ra. Wala ray mambungay santatalomplo, wala ray sananemaplo, tan wala ni ra ingey sanlalasus.”

Lucas 13:9

No mambunga ed ontombuk a taon, maung met; no andi, insan ti la batangen.’”

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Lucas 8:8

Wala met iray ilik a dinmapod mabonan dalin, tinmobo ra, tan nambunga na sanlalasus ya ilik so balang dawa.” Insan inkuanto na maksil, “Dengel kayo sirin, sikayo ran walay layag!”

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Juan 8:47

Say anak na Dios dedengelen to ray salitay Dios. Aliwa kayon anak na Dios, kanyan ag yo dedengelen iray salita to.”

Saray Gawgawa 16:14

Sakey ed saray nandengel ed sikami et si Lydia a taga Tiatira tan managlakoy granati ran abel. Mangigagalang ed Dios yan bii. Nilokasan na Katawan so kanunotan to, pian asikasoen toy ibabaga nen Pablo.

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

2 CORINTO 9:10

Say Dios a mangiiter na bokel ed tumatanem tan say tinapay a nakan et iter to met so bokel a nakaukolan yo, tan pabalegen to ni pian makaani kayoy daakan manlapud inkabonluk yo.

FILIPOS 1:11

Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.

FILIPOS 4:17

Aliwan say labay ko labat so makaawat na rigalo, no ag say pakanengneng koy idakel na bungan awaten yo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

COLOSAS 1:6

Say Maung a Balita et onkakayat tan mangiiter na bindision ed sankamundoan, a singa agawad sikayo nen inmonan nadngel tan atalusan yoy katwaan na panangaroy Dios.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

2 TESALONICA 2:10

Ikana to ray amin a klasiy maoges a pamalikdo ed saray totoon naderal; nilaban ira ya komun no inawat tan inaro ray katwaan.

Saray Hebreo 4:2

Ta nadngel ti met a singa sikara so Maung a Balita. Nadngel dan tua, balet anggapoy kamaungan ya inter tod sikara lapud ag da sinisia.

Saray Hebreo 6:7

Bibindisionay Dios so dalin a manesepsep na oran a naynay ya ompepelag, tan patutuboen to ray tantanaman a pinabangan na saray intaneman.

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.