Mateo 13:19 - Maung A Balita Biblia

¹⁹ Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Maung a Balita Biblia

¹⁹ Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Mateo 13:19 Iomraidhean Croise

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 17:16

Anggapoy kakanaan na panggastos na makulang-kulang ed pakagamur toy aral, ta ag to ikakanay olo to.

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Mateo 12:26

No si Satanas so mamapaekal ed kinen Satanas, lalabanan toy sikaton dili! Panon a mambayag so nanarian to?

Mateo 13:20

Saramay ilik a dinmapod dalin a batoy dalem to aliling day salitay Dios a derengelen na totoo tan tampol dan aawaten a sililiket.

Mateo 13:38

samay alog a nampasekan to, say mundo; saramay maung a bokel, saray totoon nepeg day walad Panarian; saramay dika, saray totoon nepeg day walad Panarian to may Maoges;

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

Mateo 5:37

Masarag lan ibaga yoy ‘On’ odino ‘Andi.’ Say arum nin salitan iyarum yod saya so manlapud samay Maoges.”

Marcos 4:15

Saramay ilik a dinmapod gilig na dalan aliling da ray totoon kadngel dad salitay Dios, laen iran tampol nen Satanas ya ekalen imay salitan nadngel da.

Lucas 10:9

paabig yo ray mansasakit, tan ikuanyod saray totood man, ‘Inmasingger lad sikayo so Panariay Dios.’

Lucas 9:2

Insan to ra imbakin mangipulong na Panariay Dios tan mamaabig ed saray mansasakit.

Juan 18:38

“Antoy katwaan a?” tinepet nen Pilato. Kapangibaga nen Pilato ed saya, pinmaway tan kuantod saray Judio, “Anggapoy narumog kon kasalanan to.

Juan 8:43

Akin et ag yo natatalusay ibabagak? Lapud ag ki ondengel na salitak.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

Saray Gawgawa 18:15

Balet lapud nipaakar ya labat ed saray salita, ngaran, tan say ganggan a susumpalen yo, akaoley ki la. Ag ko sintinsiaan ira yan pamaakaran!”

Saray Gawgawa 20:25

“Akilimug-limug ak ed sikayo, legan kon nampupulong na Panariay Dios. Natan, amtak ya anggapo lad sikayoy makanengneng lamet ed siak.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

Saray Taga Roma 2:8

Balet baleg a sanuk tan pasnuk so ondapod saray masiblet tan manangibeneg na katwaan, ta totombuken day dalan na kaogsan.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

2 TESALONICA 2:12

Say pansumpalan to ya et say pakadusa na amin da ray ag anisiad katwaan tan nanliket ed kaogsan.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.